نائب وزیراعظم اور وزیر خارجہ سینیٹر محمد اسحاق ڈار 2 روزہ سرکاری دورے پر چین روانہ ہو گئے ہیں، جہاں وہ پاکستان کی جانب سے مصنوعی ذہانت کی عالمی تعاون تنظیم کے بانی رکن کی حیثیت سے معاہدے پر دستخط کریں گے اور عالمی مصنوعی ذہانت کانفرنس 2026 میں شرکت کریں گے۔
دفتر خارجہ کے مطابق نائب وزیراعظم اور وزیر خارجہ سینیٹر محمد اسحاق ڈار 2 روزہ دورے پر چین کے شہر شنگھائی روانہ ہو گئے ہیں۔
Deputy Prime Minister/Foreign Minister Senator Mohammad Ishaq Dar @MIshaqDar50 has departed Islamabad for Shanghai, China, on a two-day visit.
As Pakistan joins the World Artificial Intelligence Cooperation Organization (WAICO) as a Founding Member, the DPM/FM will sign the… pic.twitter.com/bUs8pTNW5j
— Ministry of Foreign Affairs – Pakistan (@ForeignOfficePk) July 16, 2026
اس دورے کے دوران پاکستان مصنوعی ذہانت کی عالمی تعاون تنظیم کے بانی رکن کے طور پر شامل ہوگا۔ اس موقع پر اسحاق ڈار پاکستان کی جانب سے تنظیم کے قیام کے معاہدے پر دستخط کریں گے۔
وہ عالمی مصنوعی ذہانت کانفرنس 2026 میں بھی شرکت کریں گے، جہاں مختلف ممالک کے رہنما اور اعلیٰ حکام موجود ہوں گے۔
یہ بھی پڑھیں:اسحاق ڈار سے اقوام متحدہ کے اعلیٰ عہدیدار کی ملاقات، علاقائی امن و باہمی تعاون پر گفتگو
دفتر خارجہ کے مطابق اسحاق ڈار اپنے دورے کے دوران عالمی رہنماؤں سے ملاقاتیں بھی کریں گے۔ ان ملاقاتوں میں مصنوعی ذہانت کے شعبے میں بین الاقوامی تعاون بڑھانے اور اس ٹیکنالوجی کے منصفانہ اور سب کے لیے یکساں استعمال سے متعلق امور پر تبادلہ خیال کیا جائے گا۔
