لاہور کے علاقے سبزہ زار میں ٹریفک قوانین کی خلاف ورزی اور سرکاری فرائض میں مداخلت کے الزام میں معروف ٹک ٹاکر اختر لاوا کے خلاف مقدمہ درج کر لیا گیا۔
ٹریفک پولیس کے مطابق کریم مارکیٹ سے کھاڑک نالہ جانے والے ون وے روڈ پر ڈیوٹی کے دوران ایک کار کو روکا گیا جو مبینہ طور پر ٹریفک سگنل کی خلاف ورزی کرتے ہوئے ون وے میں داخل ہوئی تھی۔ پولیس کا کہنا ہے کہ گاڑی کو چالان کے لیے روکا گیا۔
لاہور میں معروف ٹک ٹاکرلور دا پاوا اختر لاوا کے خلاف مقدمہ درج
ملزم ون وے اور سگنل کی خلاف ورزی کرتے ہوئے آرہا تھا،ایف آئی آرملزم کوروکاتوکارسرکار میں مداخلت شروع کردی،دھمکیاں دیں،ایف آئی آر
ملزمان میں اخترلاوا اوراس کا ڈرائیور محمد افضل شامل ہیں،ایف آئی آر#lahore pic.twitter.com/9dyVN1aUfb
— Sumair jamil (@sumair_shah123) July 16, 2026
پولیس کے مطابق گاڑی روکنے پر ڈرائیور نے برہمی کا اظہار کیا اور موقع پر موجود ٹریفک وارڈنز کی ویڈیو بنانا شروع کر دی۔ صورتحال کے پیش نظر مزید نفری طلب کی گئی تاہم ملزم اپنا موبائل فون موقع پر چھوڑ کر فرار ہوگیا۔
پولیس کا کہنا ہے کہ بعد ازاں ملزم کی شناخت معروف ٹک ٹاکر اختر لاوا کے نام سے ہوئی جس کے خلاف ٹریفک پولیس کی مدعیت میں تھانہ سبزہ زار میں ون وے کی خلاف ورزی اور سرکاری امور میں مداخلت کی دفعات کے تحت مقدمہ درج کر لیا گیا۔
