نائب وزیرِ اعظم و وزیرِ خارجہ سینیٹر محمد اسحاق ڈار نے فلپائن کے دارلحکومت منیلا میں ’آسیان ریجنل فورم ‘ کے اجلاس کے موقع پر سری لنکا اور مصر کے وزرائے خارجہ سے علیحدہ علیحدہ اہم ملاقاتیں کیں، جن میں دوطرفہ تجارت، دفاع، اقتصادی تعاون اور مشرقِ وسطیٰ و علاقائی صورتحال پر تفصیلی تبادلہ خیال کیا گیا۔
پاکستان اور سری لنکا تجارت، دفاع اور عوامی روابط کو فروغ دینے پر اتفاق
دفتر خارجہ کے ترجمان کی جانب سے جاری اعلامیے میں کہا گیا ہے کہ نائب وزیراعظم و وزیر خارجہ اسحاق ڈار نے سری لنکا کے وزیرِ خارجہ وجیتھا ہیراتھ سے ملاقات کی، جس میں دونوں رہنماؤں نے پاک سری لنکا دوستانہ تعلقات کا اعادہ کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 met with Sri Lanka’s Foreign Minister, Vijitha Herath, on the sidelines of the ASEAN Regional Forum #ARF2026 in Manila.
The two Foreign Ministers reaffirmed the close and friendly relations between… pic.twitter.com/1d9eZviLwW
— Ministry of Foreign Affairs – Pakistan (@ForeignOfficePk) July 22, 2026
ملاقات کے دوران تجارت، اقتصادی رابطوں، دفاع اور عوامی سطح پر روابط بڑھانے پر تفصیلی گفتگو ہوئی۔ دونوں وزرائے خارجہ نے ادارہ جاتی روابط، بڑھتے ہوئے تجارتی تعاون اور قومی کرکٹ ٹیم کے کامیاب دورہ سری لنکا پر اطمینان کا اظہار کیا۔
یہ بھی پڑھیں:عالمی تنازعات کا حل صرف سفارتکاری سے ہی ممکن ہے، اسحاق ڈار اور کاجا کالاس کے درمیان اہم ملاقات
سری لنکن وزیرِ خارجہ نے امن اور مذاکرات کے فروغ کے لیے پاکستان کے مثبت کردار کو سراہا۔ دونوں رہنماؤں نے امید ظاہر کی کہ علاقائی کشیدگی کا حل ‘گفت و شنید اور سفارت کاری’ سے ممکن بنایا جائے گا۔
مصر کے وزیر خارجہ سے مشرقِ وسطیٰ کی صورتحال پر تبادلہ خیال
آسیان ریجنل فورم کے موقع پر نائب وزیرِاعظم نے مصری وزیرِ خارجہ و مہاجرین ڈاکٹر بدرعبدالعاطی کے عشائیے میں شرکت کی، جہاں دونوں رہنماؤں کے درمیان وسیع پیمانے پر گفت و شنید ہوئی۔
دوطرفہ تعلقات
پاکستان اور مصر کے درمیان تجارت، سرمایہ کاری، اقتصادی تعاون اور کثیر الجہتی فورمز پر اشتراکِ عمل کو مزید مستحکم کرنے پر زور دیا گیا۔ مشرقِ وسطیٰ کی صورتحال کا جائزہ لیتے ہوئے دونوں ممالک کے وزرائے خارجہ نے کشیدگی میں کمی، مذاکرات اور تمام ریاستوں کی ‘خود مختاری و علاقائی سالمیت’ کے احترام کی اہمیت پر زور دیا۔
Deputy Prime Minister/Foreign Minister Senator Mohammad Ishaq Dar @MIshaqDar50 attended a dinner meeting hosted by Egypt’s Minister of Foreign Affairs, Immigration and Egyptian Expatriates, Dr. Badr Abdelatty, on the eve of the ASEAN Regional Forum #ARF2026 in Manila.
The two… pic.twitter.com/NFi3smFkU8
— Ministry of Foreign Affairs – Pakistan (@ForeignOfficePk) July 22, 2026
اسحاق ڈار اور مصرکے وزیر خارجہ نے علاقائی عدم استحکام کے عالمی بحری تجارت، توانائی کے تحفظ اور عالمی معیشت پر پڑنے والے اثرات پر شدید تشویش کا اظہار کیا۔
مسئلہ فلسطین پر مؤقف
فلسطین کی صورتحال پر گفتگو کرتے ہوئے دونوں وزرائے خارجہ نے شہریوں پر تشدد اور مقبوضہ مغربی کنارے میں غیر قانونی بستیوں کی تعمیر کو ‘سختی سے مسترد’ کر دیا۔ قاہرہ میں ہونے والے ‘ریجنل فور’ کے حالیہ مشوروں اور خطے میں امن قائم کرنے پر بھی کامل اتفاق کیا گیا۔
