پاکستان انٹرنیشنل ایئرلائنز (پی آئی اے) نے ایئر فرانس کے تعاون سے مسافروں کے لیے یورپ کے سفر کو مزید آسان بنانے کا اعلان کیا ہے۔
یہ بھی پڑھیں: برطانیہ کے لیے پی آئی اے پروازوں کا دوبارہ آغاز اہم سنگِ میل ہے، وزیراعظم کا پابندی کے خاتمے کا خیرمقدم
پی آئی اے کے مطابق اس شراکت داری کے تحت مسافر ایک ہی ٹکٹ پر یورپ کے 21 مختلف مقامات تک سفر کرسکیں گے، اس سہولت کے ذریعے انہیں مختلف پروازوں کے درمیان آسان رابطہ، سادہ بکنگ اور بغیر کسی اضافی پریشانی کے سفر کی سہولت میسر آئے گی۔
قومی فضائی کمپنی کا کہنا ہے کہ نئی سہولت کا مقصد یورپ جانے والے مسافروں کو زیادہ آسان، آرام دہ اور مربوط سفری تجربہ فراہم کرنا ہے۔
