قراقرم ایکسپیڈیشنز کے مطابق 8 رکنی ٹیم نے 8,051 میٹر بلند براڈ پیک کامیابی سے سر کرلیا۔ ٹیم میں ارجنٹائن کے خوان پابلو تورو سمیت پاکستان کے احمد بیگ، رضوان داد، وقار علی، منصور کریم، نواز علی خان، مرزا علی اور زمان کریم شامل تھے۔
مزید پڑھیں:ماؤنٹ ایورسٹ سر کرنے والے 10 پاکستانی
دوسری جانب الپائن کلب آف پاکستان کی دوسری ویمنز خوسر گینگ ایکسپیڈیشن کے تحت 8 پاکستانی خواتین کوہ پیماؤں نے شگر ویلی میں واقع 6,040 میٹر بلند خوسر گینگ کی چوٹی سر کر لی۔
مزید پڑھیں:گلگت بلتستان میں سیاحت جوبن پر، سفر کے لیے کونسی حفاظتی تدابیر اختیار کریں؟
الپائن کلب کے سیکریٹری جنرل ایاز شگری نے کہا کہ یہ کامیابی پاکستانی خواتین کی ہمت، عزم اور پیشہ ورانہ صلاحیتوں کا ثبوت ہے۔ انہوں نے بتایا کہ ستمبر میں کے ٹو بلتورو کلین اپ ایکسپیڈیشن بھی منعقد کی جائے گی۔
