ایران کے وزیر داخلہ اسکندر مومنی نے اپنے دورۂ پاکستان کے دوران وزیر مملکت برائے داخلہ طلال چوہدری کے ہمراہ پاکستان مونومنٹ کا دورہ کیا۔
اسلام آباد کے سیاحتی مقام شکرپڑیاں پر قائم اس یادگار کے دورے پر فیڈرل کانسٹیبلری کے چاق و چوبند دستے نے انہیں سلامی پیش کی۔
یہ بھی پڑھیں: ایران کے وزیر داخلہ اسکندر مومنی پاکستان پہنچ گئے، وزیراعظم شہباز شریف اور فیلڈ مارشل عاصم منیر سے اہم ملاقاتیں متوقع
دورے کے موقع پر ایرانی وزیر داخلہ نے یادگارِ شہدا پر حاضری دی، پھول رکھے اور فاتحہ خوانی کی۔
اس موقع پر انہوں نے وطن کی خاطر جانوں کا نذرانہ پیش کرنے والے شہداء کی عظیم قربانیوں کو خراجِ عقیدت پیش کیا۔
ایران کے وزیر داخلہ اسکندر مومنی کا دورۂ پاکستان
ایران کے وزیر داخلہ اسکندر مومنی کی وزیر مملکت برائے داخلہ طلال چوہدری کے ہمراہ پاکستان مونومنٹ آمد،فیڈرل کانسٹیبلری کے چاق و چوبند دستے نے ایران کے وزیر داخلہ اسکندر مومنی کو سلامی پیش کی، pic.twitter.com/WBNMFsSiGg
— Ministry of Interior GoP (@MOIofficialGoP) July 21, 2026
اسکندر مومنی نے پاکستان مونومنٹ کا بھی دورہ کیا، جہاں انہیں یادگار اور اس کی تاریخی اہمیت کے حوالے سے بریفنگ دی گئی۔
ایرانی وزیر داخلہ نے پاکستان مونومنٹ اور یادگارِ شہداء کی تاریخی و قومی اہمیت کو سراہتے ہوئے ان کی منفرد حیثیت کی تعریف کی۔
بعد ازاں اسکندر مومنی نے شکر پڑیاں سے اسلام آباد شہر اور مارگلہ پہاڑی سلسلے کا نظارہ بھی کیا۔
اس موقع پر انسپکٹر جنرل فیڈرل کانسٹیبلری ریاض نذیر گاڑا، ڈی آئی جی اسلام آباد اور دیگر اعلیٰ حکام بھی موجود تھے۔
