فیکٹ چیک کے مطابق وائرل تصویر جعلی ہے اور اسے مصنوعی ذہانت (اے آئی) کے ذریعے تیار کیا گیا۔ تصویر میں دعویٰ کیا گیا تھا کہ ٹرمپ اسپین اور ارجنٹینا کے درمیان کھیلے گئے ورلڈ کپ فائنل کے دوران اپنی نشست پر سورہے تھے، تاہم تحقیقات میں یہ دعویٰ غلط ثابت ہوا۔
یہ بھی پڑھیں: ’ٹرمپ ہر جگہ توجہ چاہتے ہیں‘، فیفا ورلڈ کپ ٹرافی کی تقریب میں اسٹیج نہ چھوڑنے پر امریکی صدر پر تنقید
رپورٹ کے مطابق ڈونلڈ ٹرمپ فائنل میچ میں موجود تھے اور میچ کے بعد فیفا کے صدر گیانی انفینٹینو کے ساتھ فاتح ٹیم کو ٹرافی اور تمغے بھی پیش کیے تھے۔
فیکٹ چیک کرنے والے ادارے نے میچ کی مکمل ویڈیو کا جائزہ لیا، جس میں ایسا کوئی منظر نہیں ملا جہاں ٹرمپ سو رہے ہوں۔ اصل ویڈیو میں ایک موقع پر گیانی انفینٹینو ٹرمپ کو ورلڈ کپ ٹرافی دکھا رہے تھے، اسی لمحے کی تصویر کو تبدیل کرکے جعلی تصویر بنائی گئی۔
یہ بھی پڑھیں: فیفا ورلڈ کے فاتحین کو پہلی بار امریکی طرز کی انگوٹھیاں دی جائیں گی
تحقیق میں یہ بھی سامنے آیا کہ وائرل تصویر میں کچھ تفصیلات تبدیل کی گئی تھیں، جن سے ظاہر ہوتا ہے کہ اسے ڈیجیٹل طریقے سے تبدیل کیا گیا۔ مصنوعی ذہانت کی شناخت کرنے والے ٹولز نے بھی تصویر کو اے آئی سے تیار کردہ قرار دیا۔
ڈونلڈ ٹرمپ کے فیفا ورلڈ کپ فائنل کے دوران سونے کی وائرل تصویر حقیقت پر مبنی نہیں، بلکہ مصنوعی ذہانت سے بنائی گئی جعلی تصویر ہے۔
