پاکستان کی 2 مقبول ترین اداکاراؤں مہوش حیات اور حبا بخاری کی نئی ڈراما سیریل ’رتبہ‘ جلد اے آر وائی ڈیجیٹل کی زینت بننے والا ہے، جسے شائقین کی جانب سے بھرپور پذیرائی مل رہی ہے۔
کہانی کی تخلیق کون سے بڑے نام کر رہے ہیں؟
معروف مصنفہ عمیرہ احمد کے قلم اور ہدایت کار حسیب حسن کی نگرانی میں بننے والا یہ ڈراما ایک بڑی اور مضبوط کاسٹ پر مشتمل ہوگا۔
یہ بھی پڑھیں:مذہبی روایات اور محبت سے بھرپور ڈراما سیریل ’دارالنجات‘ کا ٹیزر جاری، شہریار ، درِفشاں کا مرکزی کردار
حبا بخاری اور مہوش حیات کے ساتھ ساتھ سیف علی خان، زاہد احمد اور طلحہ چاہور بھی اہم کرداروں میں نظر آئیں گے۔ ڈرامے کی پروڈکشن سکس سگما اور نیکسٹ لیول انٹرٹینمنٹ کے اشتراک سے کی جا رہی ہے۔
سیف علی خان نے خود کی تصدیق
ڈرامے میں شمولیت کی خبر خود سیف علی خان نے سامنے لائی، جنہوں نے زاہد احمد، طلحہ چاہور اور دیگر ساتھی اداکاروں کے ہمراہ اس منصوبے کا حصہ ہونے کی تصدیق کر دی۔
View this post on Instagram
مہوش اور حبا بخاری کی مقبولیت کی وجہ
مہوش حیات اپنی متعدد کامیاب ڈراموں اور فلموں کی بدولت پاکستانی شوبز میں نمایاں مقام رکھتی ہیں۔
‘دل لگی’، ‘میرے قاتل میرے دلدار’، ‘دائن’ اور ‘مراۃ العروس’ جیسے ڈراموں کے علاوہ ‘پنجاب نہیں جاؤں گی’ اور ‘لندن نہیں جاؤں گا’ جیسی سپرہٹ فلموں نے بھی انہیں سلور اسکرین کا مضبوط چہرہ بنا دیا۔
دوسری جانب حبا بخاری بھی ٹی وی اسکرین پر ناظرین کی چہیتی اداکارہ ہیں، جنہوں نے ‘دیوانگی’، ‘فتور’، ‘میرے ہمنشین’ اور ‘جاں نثار’ جیسے مقبول ڈراموں میں یادگار پرفارمنس دی۔
View this post on Instagram
مداحوں میں تجسس اور جوش برقرار
ڈرامے کی کاسٹ کے اعلان کے بعد سوشل میڈیا پر مداحوں کی دلچسپی عروج پر پہنچ گئی ہے۔ خاص طور پر حبا بخاری اور سیف علی خان کے مداح ان دونوں فنکاروں کے کرداروں کے بارے میں شدید تجسس کا اظہار کر رہے ہیں۔
مزید پڑھیں:شوبز میں اتنی پرانی نہیں جتنا لوگ سمجھتے ہیں، مہوش حیات
‘رتبہ’ کی نشریات کے حوالے سے حتمی تاریخ کا اعلان ابھی باقی ہے، تاہم اتنی مضبوط کاسٹ اور معروف تخلیقی ٹیم کے باعث اسے سال کے سب سے متوقع ڈراموں میں شمار کیا جا رہا ہے۔
