چین کے جنوبی صوبے ہائنان میں واقع وین چھانگ خلائی مرکز نے لانگ مارچ-7 اے راکٹ کے ذریعے تیان لیان III-01 سیٹلائٹ کو کامیابی سے مدار میں پہنچا کر اپنی 50ویں خلائی لانچ مکمل کرلی۔
مزید پڑھیں:گلگت بلتستان میں پہلے خلائی مرکز کا قیام
چینی خبر رساں ادارے ژنہوا کے مطابق 2016 میں آپریشنل ہونے والا وین چھانگ خلائی مرکز چین کا پہلا جدید اور ماحول دوست خلائی لانچنگ مرکز ہے، جسے مکمل طور پر ملکی سطح پر ڈیزائن اور تعمیر کیا گیا۔
China sent a new data relay satellite into orbit on Wednesday from the Wenchang Spacecraft Launch Site on the coast of the southern island province of Hainan. #satellite pic.twitter.com/yqJSaiwSYG
— China Takeaway (@China24Official) July 30, 2026
یہ مرکز کم عرضِ بلد، ہر موسم میں لانچ کی صلاحیت، بھاری راکٹوں کی پرواز اور محفوظ راکٹ گرنے کے علاقوں جیسی خصوصیات رکھتا ہے۔ ماہرین نے ہائنان کے گرم، مرطوب، نمکین اور طوفانی موسم کے باوجود لانچنگ نظام کو مؤثر بنانے کے لیے اہم تکنیکی چیلنجز پر قابو پایا۔
مزید پڑھیں:ناسا نے مریخ کے قریب سے گزرنے والے خلائی جہاز کی حیرت انگیز ویڈیو جاری کردی
چین رواں سال اسی مرکز سے چانگ ای-7 قمری مشن روانہ کرے گا، جبکہ مستقبل میں انسانی قمری مشن اور بھاری راکٹوں کی پہلی پرواز سمیت دیگر بڑے خلائی منصوبے بھی یہیں سے انجام دیے جائیں گے۔
