سپریم کورٹ نے پنجاب اسمبلی میں مبینہ غیر قانونی بھرتیوں کے مقدمے میں سابق وزیراعلیٰ پنجاب چوہدری پرویز الٰہی کی اپیل سماعت کے لیے مقرر کر دی ہے۔
عدالت عظمیٰ کے مطابق جسٹس ہاشم کاکڑ کی سربراہی میں دو رکنی بینچ 3 اگست کو اپیل کی سماعت کرے گا۔ یہ اپیل لاہور ہائی کورٹ کے اس فیصلے کے خلاف دائر کی گئی ہے، جس میں سیشن کورٹ کا فیصلہ برقرار رکھا گیا تھا۔
یہ بھی پڑھیں:پرویز الہی کیخلاف غیر قانونی بھرتیوں کا کیس سیاسی انتقام تھا، علی ظفر
کیس کے مطابق ٹرائل کورٹ نے جسمانی ریمانڈ کی استدعا پر سماعت کے دوران ہی چوہدری پرویز الٰہی کو مقدمے سے بری کر دیا تھا۔ بعد ازاں سیشن کورٹ نے ٹرائل کورٹ کا فیصلہ کالعدم قرار دیتے ہوئے بریت ختم کر دی، جسے لاہور ہائی کورٹ نے بھی برقرار رکھا۔
چوہدری پرویز الٰہی نے ہائی کورٹ کے فیصلے کو سپریم کورٹ میں چیلنج کر رکھا ہے، جس پر اب 3 اگست کو سماعت ہوگی۔
