آزاد جموں و کشمیر قانون ساز اسمبلی کے انتخابات میں ایل اے 44 ویلی 5 سے پاکستان مسلم لیگ (ن) کے امیدوار احمد رضا قادری قریباً 1700 ووٹوں کی برتری سے کامیاب ہو گئے۔
غیر سرکاری اور غیر حتمی نتائج کے مطابق مسلم لیگ (ن) کے احمد رضا قادری نے واضح برتری کے ساتھ کامیابی حاصل کی، جبکہ مسلم کانفرنس کی امیدوار مہر النسا 650 ووٹ حاصل کرکے دوسرے نمبر پر رہیں۔
اس کامیابی کے ساتھ مسلم لیگ (ن) نے وادی کے اہم انتخابی حلقے میں ایک نشست اپنے نام کر لی، حتمی اور سرکاری نتائج کا اعلان الیکشن کمیشن کی جانب سے کیا جائے گا۔
یاد رہے کہ آزاد جموں کشمیر قانون ساز اسمبلی انتخابات کے دوسرے مرحلے میں آج مظفرآباد ڈویژن اور مہاجرین کے حلقوں میں پولنگ ہوئی ہے، جس کے بعد نتائج آنے کا سلسلہ جاری ہے۔
