الیکشن کمیشن آف پاکستان نے سابق وزیراعظم شاہد خاقان عباسی کی سیاسی جماعت عوام پاکستان کو انٹرا پارٹی انتخابات مقررہ مدت میں منعقد نہ کرنے پر رجسٹرڈ سیاسی جماعتوں کی فہرست سے خارج کر دیا۔
یہ بھی پڑھیں: ’عوام پاکستان پارٹی‘ الیکشن کمیشن میں رجسٹرڈ ہوگئی
الیکشن کمیشن کی جانب سے جاری اعلامیے کے مطابق عوام پاکستان نے قانون کے مطابق مقررہ مدت کے اندر انٹرا پارٹی انتخابات کا انعقاد نہیں کیا، جس کے باعث الیکشن ایکٹ کی متعلقہ شقوں کے تحت کارروائی کرتے ہوئے جماعت کو ڈی لسٹ کردیا گیا۔
یہ بھی پڑھیں: ’عوام پاکستان پارٹی‘ کی لانچنگ پر تضادات سے بھرپور تقریریں سننے کو ملیں، عطا تارڑ کا ردعمل
اعلامیے میں کہا گیا ہے کہ تمام رجسٹرڈ سیاسی جماعتوں پر لازم ہے کہ وہ الیکشن ایکٹ کے مطابق مقررہ وقت پر انٹرا پارٹی انتخابات کرائیں، بصورت دیگر قانون کے مطابق کارروائی عمل میں لائی جاسکتی ہے۔
