نائب وزیراعظم اور وزیر خارجہ سینیٹر محمد اسحاق ڈار نے ترک وزیر خارجہ حاقان فیدان سے ٹیلی فون پر گفتگو کی، جس میں حالیہ علاقائی صورتحال اور خطے میں امن و استحکام کے فروغ کے لیے جاری کوششوں پر تبادلہ خیال کیا گیا۔
وزارت خارجہ کے مطابق دونوں رہنماؤں نے خطے میں ہونے والی تازہ پیش رفت پر اپنے خیالات کا اظہار کیا اور علاقائی امن و استحکام کے لیے مشترکہ کوششیں جاری رکھنے کی اہمیت پر اتفاق کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke with Turkish Foreign Minister Hakan Fidan. They exchanged views on recent regional developments and discussed efforts to promote regional peace and stability.
FM Fidan invited DPM/FM to attend… pic.twitter.com/HV6X23hyIy
— Ministry of Foreign Affairs – Pakistan (@ForeignOfficePk) August 19, 2026
گفتگو کے دوران ترک وزیر خارجہ حاقان فیدان نے اسحاق ڈار کو پاکستان، ترکیہ، سعودی عرب اور مصر کے وزرائے خارجہ کے آئندہ علاقائی چار فریقی اجلاس میں شرکت کی دعوت دی۔ اجلاس رواں ماہ کے اواخر میں ترکیہ کے شہر استنبول میں منعقد ہوگا۔
نائب وزیراعظم اور وزیر خارجہ نے دعوت قبول کرتے ہوئے اجلاس میں شرکت کی تصدیق کردی۔
وزارت خارجہ کے مطابق چاروں ممالک کے وزرائے خارجہ کے اجلاس میں علاقائی صورتحال، امن و استحکام کے فروغ اور خطے میں تعاون بڑھانے کے لیے مشترکہ اقدامات پر بات چیت متوقع ہے۔
