جڑواں شہروں راولپنڈی اور اسلام آباد میں وقفے وقفے سے موسلادھار بارش کا سلسلہ جاری ہے جس کے باعث نالہ لئی میں طغیانی آگئی جبکہ مختلف نشیبی علاقوں میں پانی جمع ہونے سے شہریوں کو مشکلات کا سامنا ہے۔
موسلادھار بارش کے بعد نالہ لئی میں پانی کی سطح خطرناک حد تک بلند ہوگئی ہے۔ نیو کٹاریاں اور گوالمنڈی کے مقامات پر پانی کی سطح 22 فٹ تک پہنچنے کی اطلاعات ہیں جس کے باعث نالہ لئی کے اطراف آبادیوں میں خطرے کے سائرن بجا دیے گئے اور شہریوں کو محتاط رہنے کی ہدایات جاری کی گئیں۔
Sector F-11 after a heavy rainfall. Islamabad pic.twitter.com/ojJHlEIku6
— Islamabad Updates (@IslamabadViews) August 19, 2026
اسلام آباد کے علاقے سیدپور میں سب سے زیادہ 66 ملی میٹر بارش ریکارڈ کی گئی، جبکہ بارش کے باعث شہر کے مختلف علاقوں میں سڑکوں پر پانی جمع ہوگیا اور متعدد مقامات پر سیلابی صورتحال پیدا ہوگئی۔
راولپنڈی راجہ بازار۔۔۔نیو ماڈل بازار pic.twitter.com/WFuPAHxQM5
— Ghazanfar Abbas (@ghazanfarabbass) August 19, 2026
موسلادھار بارش کے باعث میٹرو بس کی چھت بھی ٹپکنے لگی جس سے بس میں سفر کرنے والے مسافروں کو مشکلات کا سامنا کرنا پڑا۔ چھت سے پانی ٹپکنے کے باعث نشستیں بھی متاثر ہوئیں۔
اسلام آباد ، راولپنڈی موسلادھار بارش کےباعث میٹرو بس کی چھت ٹپکنے لگی
ویڈیو میں چھت سے میٹرو بس کی چھت سے پانی ٹپک کر کرسیوں پر جمع دیکھا جا سکتا ہے۔ pic.twitter.com/oRBnLKNEiV
— Azaz Syed (@AzazSyed) August 19, 2026
شدید بارش کے نتیجے میں مختلف نشیبی علاقوں میں پانی جمع ہونے سے گاڑیاں پانی میں ڈوب گئیں جبکہ واسا کی ٹیمیں اور بھاری مشینری نالہ لئی اور دیگر نشیبی علاقوں میں امدادی و حفاظتی کارروائیوں میں مصروف ہیں۔
New Lalazar #Rawalpindi … pic.twitter.com/tDZ2sA7rdR
— Azaz Syed (@AzazSyed) August 19, 2026
محکمہ موسمیات نے جمعے تک ملک کے بالائی اور وسطی علاقوں میں بارشوں کا الرٹ جاری کر رکھا ہے۔ پیش گوئی کے مطابق اسلام آباد، بالائی پنجاب، خیبر پختونخوا، گلگت بلتستان اور کشمیر میں بارش کا امکان ہے، جبکہ بعض مقامات پر تیز ہواؤں، گرج چمک اور موسلادھار بارش کی بھی توقع ہے۔
حکام نے شہریوں کو نالہ لئی، ندی نالوں اور دیگر نشیبی علاقوں سے دور رہنے اور بارش کے دوران غیر ضروری سفر سے گریز کرنے کی ہدایت کی ہے۔
