سوشل میڈیا پر نوجوان خاتون کرکٹر مہک پنڈی والی کی ٹیپ بال کرکٹ کھیلنے کی ویڈیو تیزی سے وائرل ہو رہی ہے جس میں وہ لڑکوں کے ساتھ کرکٹ کھیلتے ہوئے شاندار بیٹنگ کا مظاہرہ کرتی دکھائی دے رہی ہیں۔
وائرل ویڈیو میں مہک روایتی لباس میں کرکٹ بیٹ تھامے مختلف گیندوں پر زبردست شاٹس کھیلتی اور گیند کو باؤنڈری کے پار پہنچاتی نظر آتی ہیں۔ رات کے وقت اسٹیڈیم کی روشنیوں میں ریکارڈ کی گئی فوٹیج میں ان کی بیٹنگ کی مہارت نمایاں ہے جس پر سوشل میڈیا صارفین کی جانب سے انہیں بھرپور سراہا جا رہا ہے۔
آپ نے ٹیپ بال کرکٹ میں لڑکوں کو تو چھکے مارتے دیکھا ہوگا۔
آج زرا مہک پنڈی والی کے چھکے بھی دیکھیں👇😳❤️ pic.twitter.com/qkq05UUi1Q
— Naseer Awan(نصیر اعوان) (@MNasAwan555) August 18, 2026
ویڈیو کے وائرل ہونے کے بعد بعض صارفین نے اس کے مصنوعی ذہانت (اے آئی) سے تیار کیے جانے کا شبہ بھی ظاہر کیا اور کہا کہ یہ 100 فیصد اے آئی ویڈیو ہی ہے تاہم دیگر صارفین کے مطابق ویڈیو حقیقی معلوم ہوتی ہے۔
طلحہ نامی صارف نے کہا کہ یہ اے آئی ویڈیو ہے اور پاکستانیوں نے اسے قومی کرکٹ ٹیم میں موقع دینے کا مطالبہ شروع کر دیا ہے۔
اے آئی ویڈیو ہے اور پاکستانیوں نے اسے قومی کرکٹ ٹیم میں موقع دینے کا مطالبہ شروع کر دیا ہے 🤦🏻♂️ https://t.co/2f1PMwQPui
— Talha 🇵🇰 (@_Punjabi_Dude_) August 19, 2026
ایک اور صارف کا کہنا تھا کہ انہیں پاکستان ویمنز ٹیم میں شامل کیا جانا چاہیے۔ یہ واقعی ایک باصلاحیت کھلاڑی ہیں۔
Get her in the Pakistan Women side. This is a real talent. Not saying play her but keep her in the environment so she can become a pro. https://t.co/whV6A3mgkD
— اسامہ (@Usamaav) August 19, 2026
سوشل میڈیا صارفین کا کہنا ہے کہ مہک پنڈی والی کی عمدہ بیٹنگ خواتین کی کھیلوں میں بڑھتی ہوئی دلچسپی اور ٹیپ بال کرکٹ میں ان کی شرکت کی عکاسی کرتی ہے۔ صارفین نے مہک کی صلاحیتوں کو سراہتے ہوئے انہیں قومی اور بڑے پلیٹ فارمز پر اپنی صلاحیتوں کے اظہار کے مزید مواقع فراہم کرنے کی خواہش کا بھی اظہار کیا ہے۔
