خیبر پختونخوا کے ضلع صوابی میں شدید بارشوں کے باعث مختلف علاقوں میں طغیانی اور سیلابی صورتِ حال پیدا ہوگئی، جبکہ مختلف حادثات میں دو افراد جاں بحق ہوگئے۔
پولیس اور ریسکیو کے مطابق صوابی کے علاقے ٹوپی، آزاد خیل میں تیز بارش کے باعث مکان کی چھت گر گئی، جس کے ملبے تلے دب کر باپ اور بیٹی جاں بحق جبکہ ماں اور ایک بیٹا شدید زخمی ہوگئے۔ ریسکیو ٹیموں اور مقامی افراد نے زخمیوں اور لاشوں کو فوری طور پر اسپتال منتقل کردیا۔
صوابی میں بارش سے چھت گر گئی، باپ بیٹی جان بحق، ماں بیٹا زخمی۔#Swabi #Floods #KP #KhyberPakhtunkhwa #KPGovernment #Rescue1122 #JirgaDigital pic.twitter.com/ibZtk7rMYK
— Jirga Digital (@Jirgadigital) August 20, 2026
مزید پڑھیں:خیبر پختونخوا میں بارشوں سے سیلابی صورتحال، مختلف حادثات میں 5 افراد جاں بحق
حکام کے مطابق ضلع صوابی کے مختلف متاثرہ علاقوں میں بارشوں کے باعث گلیاں اور محلے تالاب کا منظر پیش کر رہے ہیں، جبکہ سیکڑوں افراد گھروں میں محصور ہوگئے ہیں۔ ریسکیو کے مطابق اب تک 300 سے زائد افراد کو محفوظ مقامات پر منتقل کیا جاچکا ہے، جبکہ ریسکیو آپریشن تاحال جاری ہے۔
ضلعی انتظامیہ کے مطابق صوابی کی تحصیل رزڑ سب سے زیادہ متاثر ہوئی ہے، جہاں مختلف علاقوں میں شدید بارش کے باعث ندی نالوں میں طغیانی اور سیلابی صورتِ حال پیدا ہوگئی ہے۔ ریسکیو 1122 کے مطابق خمزہ ڈھیر، منصب دار، مناگئ، ترکئی، لنڈی چم، قمرگئ اور ڈھنڈوقہ میں بارش کے پانی نے متعدد علاقوں کو متاثر کیا ہے۔
حکام نے بتایا کہ ریسکیو ٹیمیں کشتیوں اور لائف جیکٹس کی مدد سے امدادی کارروائیاں کرتے ہوئے 300 سے زائد متاثرہ افراد کو گھروں سے نکال کر محفوظ مقامات پر منتقل کرچکی ہیں۔ منتقل کیے جانے والوں میں بچے، خواتین اور بزرگ بھی شامل ہیں۔
Flooding has hit Swabi following torrential rains. Rescue operations are underway, with rescue personnel using boats to evacuate people. pic.twitter.com/Z8YINnf4zi
— P Connect (@ConnectingPak) August 20, 2026
مزید پڑھیں:خیبرپختونخوا میں بارشوں اور سیلاب سے 28 افراد جاں بحق، 29 زخمی
بارش کے باعث ضلع کے مختلف علاقوں میں بجلی کی فراہمی بھی شدید متاثر ہوئی ہے۔ انتظامیہ نے نشیبی علاقوں کے مکینوں کو بروقت محفوظ مقامات پر منتقل ہونے کی ہدایت کی ہے، جبکہ ریسکیو ٹیمیں متاثرہ علاقوں میں امدادی کارروائیوں میں مصروف ہیں۔
