متحدہ عرب امارات کی 29 سالہ خاتون پشپاجوتھی روی کمار نے ایک چھوٹی سی چپکنے والی پرچی (اسٹکی نوٹ) پر 150 مختلف الفاظ تحریر کرکے گنیز ورلڈ ریکارڈ قائم کر دیا۔
پشپاجوتھی نے دبئی میں یہ منفرد ریکارڈ بنانے کی کوشش کی، جس کے لیے انہیں انتہائی باریک اور مختصر تحریر کا سہارا لینا پڑا۔ انہوں نے ایک ہی اسٹکی نوٹ پر 150 الفاظ اس انداز میں لکھے کہ تمام الفاظ پرچی پر سما بھی گئے اور انہیں پڑھا بھی جا سکتا ہے۔
How much information can you put on a sticky note?https://t.co/2F2m946Jfx
— Guinness World Records (@GWR) August 19, 2026
خاتون کا کہنا تھا کہ انہوں نے بچپن سے گنیز ورلڈ ریکارڈز دیکھے اور ہمیشہ خود بھی اس کا حصہ بننے کا خواب دیکھا۔ مختلف افراد کو منفرد ریکارڈ قائم کرتے دیکھ کر انہیں بھی حوصلہ ملا اور ایک دن انہیں اسٹکی نوٹ پر زیادہ سے زیادہ الفاظ لکھنے کا خیال آیا۔
پشپاجوتھی کے مطابق سب سے بڑا چیلنج یہ تھا کہ محدود جگہ میں زیادہ سے زیادہ الفاظ اس طرح تحریر کیے جائیں کہ تحریر واضح بھی رہے۔ اس مقصد کے لیے انہوں نے تخلیقی انداز اپنایا اور انتہائی باریک لکھائی کی مشق کی۔
یہ بھی پڑھیں:برطانوی شہری نے ایک منٹ میں 15 فِش فنگرز کھا کر گنیز ورلڈ ریکارڈ قائم کر دیا
انہوں نے کہا کہ ریکارڈ قائم ہونے پر انہیں بے حد خوشی ہوئی اور یہ کامیابی ان کے لیے ایک خواب کی تعبیر ہے۔
