برطانیہ سے تعلق رکھنے والے 32 سالہ نیتھن ڈیوس نے ایک منٹ میں 15 فِش فنگرز (مچھلی کی انگلی نما فرائیڈ اسٹکس) کھا کر گنیز ورلڈ ریکارڈ اپنے نام کر لیا۔
مزید پڑھیں:خوف سے محبت تک، شارک نے خاتون کو گنیز ورلڈ ریکارڈ دلا دیا
ڈیوس نے حال ہی میں ٹی وی گیم شو میں 130 ہزار ڈالر سے زائد کی انعامی رقم جیتی تھی، جس کے بعد انہوں نے گنیز ورلڈ ریکارڈ بنانے کا ہدف مقرر کیا۔
نیتھن ڈیوس نے بتایا کہ انہوں نے فِش فنگرز کا انتخاب اس لیے کیا کیونکہ وہ اس سے قبل بھی کھانے سے متعلق غیر رسمی مقابلوں میں حصہ لیتے رہے ہیں۔
مزید پڑھیں:آسٹریلوی شہری جوزف میگریل دنیا کے سب سے اونچی آواز والے شخص قرار، گنیز ورلڈ ریکارڈ میں نام درج
ریکارڈ قائم کرنے کے بعد انہوں نے کہا کہ عالمی ریکارڈ بننے پر خوشی ہے، اگرچہ یہ فِش فنگرز سے متعلق ہے۔ ان کا کہنا تھا کہ اگر فِش فنگرز کو کچھ زیادہ ٹھنڈا ہونے دیا جاتا تو وہ شاید اس سے بھی زیادہ تعداد کھا سکتے تھے، تاہم موجودہ ریکارڈ حاصل کرنے پر وہ مطمئن ہیں۔
