نائب وزیراعظم و وزیر خارجہ سینیٹر اسحاق ڈار نے شنگھائی تعاون تنظیم (ایس سی او) کے سربراہان مملکت کے اجلاس کے موقع پر بشکیک میں ترکیہ کی نیشنل انٹیلی جنس آرگنائزیشن کے ڈائریکٹر ابراہیم قالن سے ملاقات کی۔
یہ بھی پڑھیں: ایس سی او سربراہ اجلاس، اسحاق ڈار کی روسی اور تاجک وزرائے خارجہ سے خوشگوار ملاقات
وزارت خارجہ کے ترجمان کے مطابق ملاقات کے دوران دونوں رہنماؤں نے خطے میں ہونے والی تازہ پیش رفت اور باہمی دلچسپی کے امور پر تبادلہ خیال کیا۔
ملاقات میں مکہ مکرمہ مشترکہ دفاعی معاہدے اور اس کے تحت قائم ہونے والی اسٹریٹجک، سیاسی و دفاعی کمیٹی کے پہلے اجلاس سمیت خطے کی حالیہ صورتحال پر بھی تفصیلی گفتگو کی گئی۔
Deputy Prime Minister/Foreign Minister Senator Mohammad Ishaq Dar @MIshaqDar50 met with Director of Türkiye’s National Intelligence Organization (MİT), İbrahim Kalın, on the sidelines of the SCO Council of Heads of State meeting in Bishkek.
The two sides exchanged views on… pic.twitter.com/L3kD6VebfS
— Ministry of Foreign Affairs – Pakistan (@ForeignOfficePk) September 1, 2026
نائب وزیراعظم و وزیر خارجہ اسحاق ڈار نے علاقائی امن، سلامتی اور استحکام کے لیے مسلسل رابطہ کاری اور سفارتی روابط کی اہمیت پر زور دیا۔
ملاقات ایس سی او کونسل آف ہیڈز آف اسٹیٹ کے اجلاس کے موقع پر ہوئی، جہاں رکن ممالک کے درمیان علاقائی اور عالمی امور سمیت باہمی تعاون کے مختلف پہلوؤں پر تبادلہ خیال جاری ہے۔
