معروف ٹیکنالوجی کمپنی اوپن اے آئی نے آرٹیفیشل انٹیلیجنس کی دنیا میں تہلکہ مچاتے ہوئے چیٹ جی پی ٹی کا نیا اور سب سے طاقتور ماڈل ’جی پی ٹی 6 آسٹرا‘ متعارف کرا دیا ہے۔
کمپنی کا دعویٰ ہے کہ اس جدید ترین ماڈل نے شاندار کارکردگی کا مظاہرہ کرتے ہوئے گوگل کے ’جیمینائی‘ اور اینتھروپک کے ’کلاڈ‘ سمیت دیگر تمام بڑے اے آئی ماڈلز کو پیچھے چھوڑ دیا ہے۔
حیرت انگیز صلاحیتیں اور ملٹی ٹاسکنگ
نئے ماڈل کی صلاحیتوں کے حوالے سے کمپنی نے بتایا ہے کہ ’آسٹرا‘ کمپیوٹر کے عام استعمال اور ویب براؤزنگ کے ساتھ ساتھ سافٹ ویئر انجینیئرنگ، سائبر سیکیورٹی، سائنسی تحقیق اور دیگر پیچیدہ پیشہ ورانہ کاموں میں بے مثال مہارت رکھتا ہے۔
یہ بھی پڑھیں:مصنوعی ذہانت نے اپنے رنگ دکھانے شروع کردیے، اوپن اے آئی کا جدید ماڈل بے قابو، سائبر حملہ کردیا
لانچنگ کے دوران کیے گئے ایک عملی مظاہرے نے اس وقت حاضرین کو حیرت میں ڈال دیا جب ’آسٹرا‘ نے بیک وقت صارف کی مختلف درخواستوں پر کام کرتے ہوئے ایک طرف قانونی معاہدہ تیار کیا اور اسی وقت متوازی طور پر ایک ویڈیو گیم بھی ڈیزائن کر کے دی۔
ٹیسٹنگ کے دوران غیر متوقع رویہ
اوپن اے آئی کی جانب سے جاری کردہ تفصیلات کے مطابق اس ماڈل کی تیاری میں کئی اہم مراحل طے کیے گئے ہیں۔
دلچسپ بات یہ ہے کہ ابتدائی ٹیسٹنگ کے دوران اس نئے ماڈل نے کچھ غیر متوقع اور حیران کن رویوں کا مظاہرہ کیا تھا، تاہم کمپنی کے ماہرین نے ان خامیوں پر قابو پاتے ہوئے اب اسے انتہائی محفوظ اور جدید ترین صلاحیتوں سے لیس کر کے پیش کیا ہے۔
مزید پڑھیں:ایلون مسک کا اوپن اے آئی پر مقدمہ: چیٹ جی پی ٹی کی لانچنگ بنا مشاورت ہوئی، سابق رکن بورڈ
مصنوعی ذہانت (اے آئی) کی عالمی دوڑ میں اس وقت دنیا کی بڑی ٹیکنالوجی کمپنیوں کے درمیان سخت مسابقت جاری ہے۔ اوپن اے آئی نے نومبر 2022 میں جب اپنا پہلا ماڈل لانچ کیا تھا، تو اس نے ٹیکنالوجی کی دنیا میں ایک انقلاب برپا کر دیا تھا۔
بعد ازاں مارکیٹ میں مسابقت بڑھانے کے لیے گوگل اور اینتھروپک جیسی کمپنیوں نے اپنے طاقتور ماڈلز متعارف کرائے تاکہ اوپن اے آئی کی اجارہ داری کو توڑا جا سکے۔
تاہم اب ’جی پی ٹی 6‘ کے اجرا کے بعد اوپن اے آئی نے ایک بار پھر ثابت کر دیا ہے کہ وہ جنریٹو اے آئی کی اس دوڑ میں اپنے حریفوں سے کئی قدم آگے ہے۔
