پاکستان میں نئے مالی سال کے آغاز پر ملکی معیشت میں شاندار بہتری سامنے آئی ہے، جس میں پاکستان کا کرنٹ اکاؤنٹ خسارہ اگست میں 70 فیصد کم ہو گیا ہے، جبکہ جولائی میں لارج اسکیل مینوفیکچرنگ کی پیداوار میں 3.0 فیصد کا نمایاں اضافہ ریکارڈ کیا گیا ہے۔
اسٹیٹ بینک آف پاکستان کی جانب سے جاری رپورٹ کے مطابق نئے مالی سال 27-2026 کے پہلے مہینے جولائی میں لارج اسکیل مینوفیکچرنگ (ایل ایس ایم) کی پیداوار میں سالانہ بنیادوں پر 3.0 فیصد جبکہ ماہانہ بنیادوں پر 9.5 فیصد کا زبردست اضافہ دیکھا گیا۔
🇵🇰 𝗣𝗮𝗸𝗶𝘀𝘁𝗮𝗻’𝘀 𝗖𝘂𝗿𝗿𝗲𝗻𝘁 𝗔𝗰𝗰𝗼𝘂𝗻𝘁 𝗗𝗲𝗳𝗶𝗰𝗶𝘁 𝗗𝗼𝘄𝗻 𝟳𝟬% — 𝗘𝘅𝘁𝗲𝗿𝗻𝗮𝗹 𝗣𝗼𝘀𝗶𝘁𝗶𝗼𝗻 𝗦𝘁𝗿𝗲𝗻𝗴𝘁𝗵𝗲𝗻𝘀
Pakistan’s Current Account Deficit narrowed sharply to just US$98mn in August 2026 — down 70% YoY from US$324mn and 78% MoM from US$445mn… pic.twitter.com/oFzaX4PlmT
— Khurram Schehzad (@kschehzad) September 16, 2026
یہ مثبت آغاز گزشتہ مالی سال کے دوران مجموعی مینوفیکچرنگ میں 6.6 فیصد اور ایل ایس ایم میں 5.0 فیصد کی شاندار بحالی کا ہی تسلسل ہے۔
مختلف صنعتی شعبوں کی کارکردگی
رپورٹ کے مطابق جولائی کے دوران متعدد اہم صنعتی شعبوں میں نمایاں ترقی ریکارڈ کی گئی۔ اعداد و شمار کے مطابق آٹوموبائل سیکٹر میں سب سے زیادہ 57.0 فیصد اضافہ دیکھا گیا۔
یہ بھی پڑھیں:معاشی استحکام بحال، فچ ایجنسی نے پاکستان کی معاشی صورتحال پر رپورٹ جاری کردی
اسی طرح دیگر ٹرانسپورٹ آلات میں 40.2 فیصد، گارمنٹس میں 22.0 فیصد، فیبریکیٹڈ میٹلز میں 13.6 فیصد، فرنیچر میں 10.1 فیصد، الیکٹریکل آلات میں 7.9 فیصد اور سیمنٹ کی پیداوار میں 6.2 فیصد کا مثبت رجحان سامنے آیا۔
کرنٹ اکاؤنٹ خسارے میں نمایاں کمی
دوسری جانب پاکستان کے بیرونی کھاتوں کی صورتحال میں بھی زبردست بہتری آئی ہے۔ اگست 2026 میں کرنٹ اکاؤنٹ خسارہ تیزی سے کم ہو کر محض 98 ملین ڈالر رہ گیا، جو کہ گزشتہ سال کے 324 ملین ڈالر کے مقابلے میں 70 فیصد کم ہے۔
🇵🇰 𝗣𝗮𝗸𝗶𝘀𝘁𝗮𝗻’𝘀 𝗟𝗮𝘁𝗲𝘀𝘁 𝗠𝗮𝗰𝗿𝗼 & 𝗜𝗻𝘃𝗲𝘀𝘁𝗺𝗲𝗻𝘁 𝗧𝗮𝗸𝗲𝗮𝘄𝗮𝘆𝘀 | 𝗔𝘂𝗴𝘂𝘀𝘁 𝟮𝟬𝟮𝟲
▪️ 𝗘𝘅𝘁𝗲𝗿𝗻𝗮𝗹 𝗽𝗼𝘀𝗶𝘁𝗶𝗼𝗻 𝘀𝘁𝗿𝗲𝗻𝗴𝘁𝗵𝗲𝗻𝗶𝗻𝗴: Current Account Deficit at just US$98mn — ↓70% YoY; 2MFY27 deficit ↓36% YoY to US$543mn.
▪️… pic.twitter.com/chgpDFrGRd
— Khurram Schehzad (@kschehzad) September 16, 2026
رپورٹ کے مطابق جولائی کے 445 ملین ڈالر کے مقابلے میں ماہانہ بنیادوں پر بھی اس میں 78 فیصد کی بڑی کمی واقع ہوئی ہے۔ رواں مالی سال کے ابتدائی 2 ماہ (جولائی اور اگست) کے دوران مجموعی خسارہ گزشتہ سال کے 853 ملین ڈالر سے کم ہو کر 543 ملین ڈالر پر آ گیا ہے، جو کہ 36 فیصد کی بہتری کو ظاہر کرتا ہے۔
ترسیلات زر اور برآمدات میں اضافہ
رپورٹ کے مطابق ملکی بیرونی کھاتوں کو مضبوط غیر ملکی زرمبادلہ کی آمدنی سے بھرپور سہارا مل رہا ہے۔ اگست کے دوران ترسیلات زر میں 16.5 فیصد، سروسز کی برآمدات میں 28.8 فیصد، آئی ٹی برآمدات میں 17 فیصد اور فری لانسرز کی آمدنی میں 42 فیصد کا متاثر کن سالانہ اضافہ ریکارڈ کیا گیا۔
مزید پڑھیں:پاکستان کی معیشت اور ٹیکنالوجی کا مستقبل، اسلام آباد میں 9ویں لیڈرز بزنس سمٹ کی تیاریاں
جولائی اور اگست کے مجموعی اعداد و شمار کے مطابق ترسیلات زر میں 14.7 فیصد، سروسز برآمدات میں 28.9 فیصد اور فری لانسرز کی کمائی میں 44 فیصد اضافہ ہوا ہے۔
واضح رہے کہ مینوفیکچرنگ میں مسلسل بہتری پاکستان کے موجودہ معاشی عبوری دور کے لیے انتہائی اہمیت کی حامل ہے۔ معاشی استحکام اب سرمایہ کاروں کے اعتماد کو بحال کر رہا ہے، جس سے سرمایہ کاری، پیداوار، برآمدات اور روزگار کے مواقع پیدا ہو رہے ہیں جو کہ پائیدار ترقی کی بنیاد ہیں۔
گو کہ بعض صنعتی شعبوں کو اب بھی چیلنجز کا سامنا ہے، لیکن مجموعی معاشی اشاریے استحکام سے پیداواری ترقی کی جانب ایک کامیاب سفر کی نشاندہی کرتے ہیں۔
پاکستان زیادہ مضبوط بیرونی پوزیشن کے ساتھ نئے مالی سال میں داخل ہو چکا ہے اور اب اگلا مرحلہ برآمدات اور غیر ملکی زرمبادلہ کی آمدنی میں اضافے کے ذریعے اس استحکام کو مزید مستحکم کرنا ہے۔
