پیپلز پارٹی سندھ کے صدر نثار کھوڑو نے فیلڈ مارشل سے متعلق اپنے گزشتہ روز کے بیان پر وضاحت کرتے ہوئے کہا ہے کہ بیان کے مفہوم سے پیدا ہونے والا تاثر ان کی نیت کے مطابق نہیں تھا، جس پر انہیں دلی افسوس ہے۔
نثار کھوڑو نے اپنے بیان میں کہا کہ فیلڈ مارشل سے متعلق ان کے گزشتہ روز کے الفاظ کا جو مفہوم اخذ کیا گیا، وہ ان کی نیت نہیں تھی اور وہ اس پر مخلصانہ طور پر معذرت خواہ ہیں۔
یہ بھی پڑھیں:’نثار کھوڑو ایوب اور ضیا کے ادوار کا ذکر کرتے ہیں، ون یونٹ کی تاریخ کیوں نہیں؟‘
انہوں نے کہا کہ انہیں ادارے کے وقار کا بہت احترام ہے اور وہ اپنے الفاظ سے پیدا ہونے والی کسی بھی غلط فہمی پر افسوس کا اظہار کرتے ہیں۔
نثار کھوڑو نے کہا کہ ان کے بیان کا مقصد ادارے کی توہین یا اس کے وقار کو مجروح کرنا نہیں تھا اور وہ اپنے الفاظ سے پیدا ہونے والے کسی بھی تاثر پر افسوس کا اظہار کرتے ہیں۔
