امریکی صدر ڈونلڈ ٹرمپ نے ایران کے ساتھ جاری جنگ کے خاتمے کی امید ظاہر کرتے ہوئے کہا ہے کہ امریکا ممکنہ طور پر جنگ کے اختتامی مرحلے میں داخل ہو رہا ہے، جبکہ انہوں نے ایران کے ساتھ براہِ راست رابطوں کا بھی دعویٰ کیا ہے۔
یہ بھی پڑھیں:ایران جنگ کی لاگت 38 ارب ڈالرز تک پہنچ گئی، امریکی ایوان میں جنگ ختم کرنے کی تیسری قرارداد بھی منظور
بین الاقوامی میڈیا رپورٹ کے مطابق ٹرمپ نے صحافیوں سے گفتگو کرتے ہوئے کہا کہ امید ہے ہم جنگ کے اختتام کے قریب ہیں، جبکہ ان کا کہنا تھا کہ ایران معاہدہ کرنا چاہتا ہے اور واشنگٹن کی جانب سے تہران سے براہِ راست رابطہ کیا گیا ہے۔ تاہم ایران کی جانب سے اس براہِ راست رابطے کی تفصیلات یا کسی حتمی معاہدے کی تصدیق سامنے نہیں آئی۔
اقوام متحدہ کے سیکریٹری جنرل انتونیو گوتریس نے مشرق وسطیٰ میں بڑھتی کشیدگی پر تشویش کا اظہار کرتے ہوئے فریقین پر زور دیا ہے کہ وہ کشیدگی میں کمی، سفارتکاری اور مذاکرات کو ترجیح دیں۔ انہوں نے کہا کہ شہریوں کو نقصان پہنچانے والے اقدامات روکے جائیں اور آبنائے ہرمز اور باب المندب کے اطراف بحری نقل و حرکت کے حقوق اور آزادی کو بین الاقوامی قانون کے مطابق بحال اور برقرار رکھا جائے۔
US President Donald Trump tells reporters that the US is hopefully nearing the end of its war on Iran and claims that he has spoken “directly” with officials in Tehran.
🔴 Follow our LIVE coverage: https://t.co/k5C6aJTxjd pic.twitter.com/vp6iAzR2vs
— Al Jazeera English (@AJEnglish) September 17, 2026
ایرانی سپریم نیشنل سیکیورٹی کونسل کے سیکریٹری محسن رضائی نے بھی امریکا کے ساتھ کسی ممکنہ پیشرفت کے لیے عملی اقدامات پر زور دیا ہے۔ ان کا کہنا ہے کہ تہران کو واشنگٹن پر اعتماد نہیں اور امریکا کو اعتماد بحال کرنے کے لیے ایران کے مطالبات پر عملی اقدامات کرنا ہوں گے۔ اس سے قبل رضائی نے آبنائے ہرمز کھولنے کے حوالے سے بھی پابندیوں، ایرانی بندرگاہوں کی ناکہ بندی اور دیگر معاملات پر امریکی اقدامات کو اہم شرائط قرار دیا تھا۔
