پاکستان کے معاذ صداقت نے ٹی20 لیگ کے فائنل میں سینچری بنانے والے پہلے پاکستانی بیٹر کا اعزاز حاصل کرلیا ہے۔
کیریبین پریمیئر لیگ 2026 کے فائنل میں جمیکا کنگزمین نے اینٹیگا اینڈ باربوڈا فالکنز کے خلاف پہلے بیٹنگ کرتے ہوئے 9 وکٹوں پر 170 رنز بنائے۔
مزید پڑھیں:پاکستانی بیٹر معاذ صداقت کی تاریخ ساز اننگز، تیز ترین سنچری بنانے والے کم عمر ترین کھلاڑی بن گئے
اوپنر معاذ صداقت نے شاندار بیٹنگ کرتے ہوئے 58 گیندوں پر 114 رنز کی قابلِ ذکر اننگز کھیلی، جس میں 8 چوکے اور 9 چھکے شامل تھے۔
معاذ صداقت کی یہ جمیکا کنگزمین کی جانب سے دوسری سینچری بھی ہے، یوں وہ سی پی ایل کے ایک ہی ایڈیشن میں 2 سینچریاں بنانے والے پہلے غیر ملکی بیٹر بن گئے ہیں۔
MAAZ SADAQAT! You are unbelievable! 💯
Sadaqat becomes the first player in CPL history to score a century in a 𝐂𝐏𝐋 𝐅𝐢𝐧𝐚𝐥! 🇦🇬x🇯🇲#CPL26 #CPLFINAL #ABFvJK #CricketPlayedLouder #RepublicBank pic.twitter.com/teSFlLTgCD
— CPL T20 (@CPL) September 21, 2026
جمیکا کنگزمین کے معاذ کے علاوہ صرف صائم ایوب ڈبل فیگرز میں داخل ہوسکے، جنہوں نے 22 گیندوں پر 29 رنز بنائے۔
مزید پڑھیں:رائزنگ اسٹارز ایشیا کپ، بھارت کے خلاف کامیابی کے ہیرو معاذ صداقت کون ہیں؟
معاذ صداقت کی شاندار سینچری کے باوجود فالکنز نے 171 رنز کا ہدف 16.4 اوورز میں 2 وکٹوں کے نقصان پر حاصل کرکے پہلی مرتبہ سی پی ایل کا ٹائٹل جیت لیا۔
فاتح اینٹیگا اینڈ باربوڈا فالکنز کی جانب سے سفیان مقیم نے 14 رنز دے کر 4 وکٹیں حاصل کیں، اور مین آف دی میچ قرار پائے۔
