وزیراعظم شہباز شریف سے یورپی کونسل کے صدر انتونیو کوسٹا نے اقوام متحدہ کی جنرل اسمبلی کے اجلاس کے موقع پر ملاقات کی۔ انہوں نے کہا کہ پاکستان کشیدگی میں کمی، مذاکرات اور تنازعات کے پرامن حل کے لیے اہم کردار ادا کر رہا ہے۔
مزید پڑھیں:وزیراعظم شہباز شریف کی شامی صدر احمد الشرع سے ملاقات، دوطرفہ تعاون بڑھانے پر تبادلہ خیال
انتونیو کوسٹا نے سماجی رابطے کی ویب سائٹ پر اپنے بیان میں کہا کہ پاکستان اور یورپی یونین کے درمیان شراکت داری اہم ہے، جبکہ اس شراکت داری کے دائرہ کار اور جمہوریت، قانون کی حکمرانی، انسانی حقوق اور شہری آزادیوں کے مشترکہ عزم کی عکاسی اسٹریٹجک انگیجمنٹ پلان میں ہوتی ہے۔
Very good meeting with Prime Minister @CMShehbaz at #UNGA.
The EU values its partnership with Pakistan.
Our Strategic Engagement Plan reflects both the breadth of this partnership and the shared commitment to democracy, the rule of law, human rights and civic space.
We work… pic.twitter.com/z5MDGKkKGf
— António Costa (@eucopresident) September 23, 2026
یورپی کونسل کے صدر کے مطابق ملاقات میں استحکام اور سلامتی کے امور پر تعاون کے ساتھ ساتھ تجارت سے غیر قانونی ہجرت کی روک تھام تک پاک یورپی یونین شراکت داری کو مزید آگے بڑھانے پر تبادلہ خیال کیا گیا۔
انتونیو کوسٹا نے کہا کہ انہوں نے وزیراعظم شہباز شریف کی امریکا اور ایران کے درمیان تنازع میں ثالثی کی کوشش کا خیرمقدم کیا اور اس پر وزیراعظم کا شکریہ ادا کیا۔
