انگلش کاؤنٹی کرکٹ ٹیم ایسیکس کے بنگلہ دیشی نژاد بیٹر رابن داس پر ایک خاتون سے زیادتی کے 2 الزامات میں فردِ جرم عائد کردی گئی۔
برطانوی میڈیا کے مطابق 24 سالہ رابن داس کو 23 جولائی 2026 کو 2 الزاماتِ زیادتی میں چارج کیا گیا، وہ 9 اکتوبر کو اِنر لندن کراؤن کورٹ میں پیش ہوں گے۔ میٹروپولیٹن پولیس کے مطابق مقدمہ مارچ 2024 میں جنوبی لندن کے علاقے برکسٹن میں ایک خاتون سے مبینہ زیادتی کی رپورٹ کے بعد شروع ہوا تھا۔
پولیس کے مطابق رابن داس کو اس معاملے میں 27 اگست 2025 کو گرفتار کیا گیا تھا۔ پولیس نے بتایا کہ متاثرہ خاتون کو ماہر افسران کی جانب سے مسلسل معاونت فراہم کی جا رہی ہے۔
Essex cricketer Robin Das charged with two counts of rape https://t.co/br6qZvpHBw
— GB News (@GBNEWS) September 24, 2026
رابن داس پر الزامات عائد ہونے کے بعد ایسیکس کاؤنٹی کرکٹ کلب نے انہیں فوری طور پر معطل کردیا۔ کلب نے کہا ہے کہ وہ اس معاملے میں انگلینڈ اینڈ ویلز کرکٹ بورڈ، پروفیشنل کرکٹرز ایسوسی ایشن، کرکٹ ریگولیٹر اور کھلاڑی کے ساتھ رابطے میں ہے اور قانونی کارروائی مکمل ہونے تک مزید تبصرہ نہیں کرے گا۔
رابن داس نے 2020 میں ایسیکس کے لیے ڈیبیو کیا تھا اور کاؤنٹی کے لیے تقریباً 60 میچز کھیل چکے ہیں۔ ان کی آخری شرکت 21 جولائی کو مڈل سیکس کے خلاف ون ڈے کپ کے میچ میں ہوئی تھی، یعنی ان پر فردِ جرم عائد ہونے سے صرف 2 روز قبل۔
یہ بھی پڑھیں:مبینہ ہراسگی کیس، بابر اعظم کے وکیل نے ایک بار پھر درخواست ملتوی کرنے کی استدعا کردی
رابن داس کے خلاف مقدمے کی آئندہ سماعت 9 اکتوبر کو اِنر لندن کراؤن کورٹ میں ہوگی۔
