مالدیپ کی پارلیمنٹ کے اسپیکر عبد الرحیم عبداللہ نے جنرل ہیڈ کوارٹرز راولپنڈی میں چیف آف آرمی اسٹاف و چیف آف ڈیفنس فورسز و فیلڈ مارشل سید عاصم منیر سے ملاقات کی ہے۔
یہ بھی پڑھیں: سعودی وزیر کی فیلڈ مارشل سے ملاقات، دوطرفہ امور پر تبادلہ خیال
آئی ایس پی آر کے مطابق ملاقات میں باہمی دلچسپی کے امور، علاقائی سیکیورٹی اور دوطرفہ تعاون پر تبادلہ خیال کیا گیا۔
’پاکستان مالدیپ کے ساتھ برادرانہ تعلقات کو اہمیت دیتا ہے‘
فیلڈ مارشل سید عاصم منیر نے اس موقع پر گفتگو میں کہا کہ پاکستان مالدیپ کے ساتھ برادرانہ تعلقات کو اہمیت دیتا ہے، انہوں نے دونوں ممالک کے باہمی مفاد کے لیے دوطرفہ تعلقات کو مزید مضبوط بنانے کے عزم کا اعادہ کیا۔
یہ بھی پڑھیں: عاصم منیر بااثر شخصیت، ایٹمی ملک پاکستان کو پسند کرتا ہوں، ٹرمپ کا فیلڈ مارشل سے ملاقات سے قبل اہم بیان
مالدیپ کی پارلیمنٹ کے اسپیکر عبد الرحیم عبداللہ نے علاقائی امن و استحکام کے فروغ میں پاکستان کے تعمیری کردار کو سراہا اور باہمی دلچسپی کے شعبوں میں دوطرفہ روابط مزید مستحکم اور تعاون بڑھانے کی خواہش کا اظہار کیا۔
