پاکستان کی مینز کبڈی ٹیم ایشین گیمز کی تاریخ میں پہلی مرتبہ سیمی فائنل تک رسائی حاصل کرنے میں ناکام ہوگئی، جس کے نتیجے میں قومی ٹیم ایونٹ سے پہلی بار بغیر کسی تمغے کے وطن واپس لوٹے گی۔
ایشین گیمز 2026 کے گروپ مرحلے کے آخری میچ میں پاکستان کو مضبوط ایرانی ٹیم کے ہاتھوں 51-30 سے شکست کا سامنا کرنا پڑا، جس کے بعد سیمی فائنل میں پہنچنے کی قومی ٹیم کی امیدیں دم توڑ گئیں۔
یہ بھی پڑھیں: !ایشین گیمز 2026: کھیل کم افراتفری زیادہ، جنوبی کوریا کے ساتھ تو حد ہی ہوگئی
پاکستان نے گروپ مرحلے میں 4 میں سے 2 میچز میں کامیابی حاصل کی۔ قومی ٹیم نے ایشین گیمز میں اپنی مہم کا شاندار آغاز کرتے ہوئے ملائیشیا کو 22-65 سے شکست دی، جبکہ دوسرے میچ میں نیپال کے خلاف 43-58 سے کامیابی حاصل کی۔
FT: Iran 51-30 Pakistan
Pakistan’s kabaddi campaign ends in disappointment as they miss out on the semi-finals, marking the country’s first-ever Asian Games appearance without a medal in the sport ❌ pic.twitter.com/brcT0zbn1b
— Muneeb Farrukh (@Muneeb313_) September 24, 2026
تاہم تھائی لینڈ کے خلاف تیسرے گروپ میچ میں پاکستان کو 48-45 سے شکست ہوئی، جس کے بعد سیمی فائنل تک رسائی کی پوزیشن پیچیدہ ہوگئی، آخری گروپ میچ میں ایران کے خلاف 51-30 کی شکست نے پاکستان کی مہم کا خاتمہ کردیا۔
کبڈی 1990 سے ایشین گیمز کا مستقل حصہ ہے اور پاکستان نے اس سے قبل ایونٹ کے ہر ایڈیشن میں مینز کبڈی میں کم از کم ایک تمغہ حاصل کیا تھا۔
🇹🇭 Historic First for Thailand! 🥉
First-ever Asian Games medal secured! 👏🇵🇰 A Historic First for Pakistan.
Pakistan’s men’s kabaddi team returns home without a medal for the first time. 💔#AsianGames2026 #Kabaddi #Thailand #Pakistan #KabaddiNews pic.twitter.com/Y9sTk9aPAg— Kabaddi Time (@Kabadditime) September 24, 2026
پاکستان ایشین گیمز کی مینز کبڈی میں اب تک مجموعی طور پر 9 تمغے جیت چکا ہے، جن میں 2 چاندی اور 7 کانسی کے تمغے شامل ہیں۔
آئچی ناگویا ایشین گیمز میں گروپ مرحلے سے اخراج کے بعد پاکستان پہلی مرتبہ مینز کبڈی میں تمغے کے بغیر ایونٹ سے باہر ہوا ہے، یوں قومی ٹیم کی ایشین گیمز کبڈی مہم پہلی بار بغیر میڈل کے اختتام پذیر ہوئی۔
