ڈنمارک کی دفاعی انٹیلیجنس سروس نے خبردار کیا ہے کہ روس آئندہ چند ماہ کے دوران نیٹو کے کسی رکن ملک کے خلاف محدود فوجی کارروائی کرسکتا ہے۔
مزید پڑھیں:امریکا اور ڈنمارک کا گرین لینڈ میں امریکی فوجی موجودگی بڑھانے پر اتفاق، ٹرمپ کا دعویٰ
انٹیلیجنس رپورٹ کے مطابق روس یوکرین کی معاونت کرنے والے نیٹو انفرااسٹرکچر پر طویل فاصلے تک مار کرنے والے حملے یا کسی ہمسایہ ملک میں محدود دراندازی کے ذریعے نیٹو کو آزما سکتا ہے، تاہم نیٹو کے کسی رکن پر مکمل روسی حملے کا امکان انتہائی کم ہے۔
🇷🇺 Reports say Russia may use drones hidden on merchant ships in the Mediterranean to test NATO’s response. If true, this could mark a dangerous escalation. With anonymous sources involved, caution is needed but one miscalculation could push Europe toward direct conflict with…
— Tapas Ranjan Nath (@nathtapas) September 25, 2026
رپورٹ میں کہا گیا ہے کہ ماسکو یورپ بھر میں سائبر حملوں اور تخریب کاری سمیت ہائبرڈ کارروائیوں میں بھی اضافہ کرسکتا ہے، جبکہ روس نیٹو کے اجتماعی دفاع کی ضمانت دینے والے آرٹیکل 5 کو بھی آزمانے کی کوشش کرسکتا ہے، خصوصاً اگر اسے امریکا کی جانب سے یورپی اتحادیوں کی حمایت پر شکوک ہوں۔
مزید پڑھیں:ڈونلڈ ٹرمپ نے ایک بار پھر گرین لینڈ پر امریکی کنٹرول کا مطالبہ دہرادیا، ڈنمارک کا دوٹوک انکار
ڈنمارک کی انٹیلیجنس کی یہ تنبیہ پولینڈ میں اسٹارلنک سیٹلائٹ اسٹیشن کو آگ لگنے کے واقعے کے بعد سامنے آئی ہے، جسے پولینڈ کے نائب وزیراعظم نے تخریب کاری قرار دیا، تاہم ذمہ دار کا تعین نہیں ہوسکا۔ روس ماضی میں یورپ میں تخریب کاری کے بعض واقعات میں ملوث ہونے کی تردید کرتا رہا ہے۔
