نائب وزیراعظم و وزیر خارجہ سینیٹر محمد اسحاق ڈار کی انٹیگوا و باربوڈا کے وزیر خارجہ چیٹ گرین سے ملاقات ہوئی، جس میں دوطرفہ تعلقات اور باہمی مفاد کے مختلف شعبوں میں تعاون بڑھانے پر تبادلہ خیال کیا گیا۔
ملاقات اقوام متحدہ کی جنرل اسمبلی کے 81ویں اجلاس کے موقع پر نیویارک میں ہوئی۔ فریقین نے دوطرفہ تعلقات کو مزید مضبوط بنانے اور باہمی مفاد کے شعبوں میں تعاون بڑھانے کی خواہش کا اظہار کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 met with H.E. E.P. Chet Greene, Minister of Foreign Affairs, Trade and Barbuda Affairs of Antigua and Barbuda, on the sidelines of the 81st Session of the United Nations General Assembly in New York… pic.twitter.com/JKXFmMs1Sd
— Ministry of Foreign Affairs – Pakistan (@ForeignOfficePk) September 25, 2026
وزارت خارجہ کے مطابق ملاقات میں تعلیم، سفارتی تربیت اور دیگر شعبوں میں تعاون کے امکانات پر بھی گفتگو ہوئی۔
دونوں وزرائے خارجہ نے دولتِ مشترکہ اور اقوام متحدہ سمیت کثیرالجہتی فورمز پر تعاون کے امور بھی زیر بحث لائے۔
ملاقات میں آئندہ نومبر میں انٹیگوا و باربوڈا کے دارالحکومت سینٹ جانز میں ہونے والے دولتِ مشترکہ کے سربراہانِ حکومت کے اجلاس کے موقع پر دوبارہ ملاقات پر بھی اتفاق کیا گیا۔
