اسلام آباد کے ایف 9 پارک میں پر خاتون کے ساتھ جنسی زیادتی کرنے والے مبینہ ملزم کا خاکہ جاری کر دیا گیا ہے، خاکہ اسلام آباد پولیس کی جانب سے جاری کیا ہے۔
میڈیا رپورٹ کے مطابق دارالحکومت اسلام آباد کے سب سے بڑے ایف نائن پارک میں ایک خاتون کو مبینہ طور پر گن پوائنٹ پر جنسی زیادتی کا نشانہ بنانے کا واقعے پیش آیا ہے۔
متاثرہ خاتون اپنے دفتر کے ساتھی کے ساتھ ایف نائن پارک میں موجود تھیں، دو مسلح افراد ان کو گن پوائنٹ پر پارک سے متصل جنگل میں لے گئے اور خاتون کے ساتھ جنسی زیادتی کی۔
متاثرہ خاتون نے اس واقعے کا مقدمے اسلام آباد کے تھانہ مارگلہ میں درج کروا دیا ہے جبکہ پولیس کی اس معاملے کی تفتیش کر رہی ہے۔
غیر ملکی میڈیا بی بی سی اردو کے مطابق خاتون نے الزام عائد کیا ہے کہ وہ دو فروری کو شام آٹھ بجے اپنے ایک دفتری ساتھی کے ساتھ ایف نائن پارک میں تھیں جہاں انھیں دو افراد نے گن پوائنٹ پر روکا اور جنگل کی طرف لے گئے جہاں ان کو ان کے دفتر ساتھی سے علیحدہ کر دیا گیا۔
خاتون کے بیان کے مطابق اس کے بعد اُنھیں ڈرایا دھمکایا گیا، بال کھینچے گئے اور دھکا دے کر زمین پر گرانے کے بعد ان کا ریپ کیا گیا۔
اس کے بعد مبینہ طور پر اس شخص نے خاتون کے کپڑے دوسری جگہ پھینک دیے تاکہ وہ بھاگ نہ سکیں اور پھر اپنے ایک اور ساتھی کو بھیجا جس نے ان کا ریپ کیا۔
خاتون نے کہا کہ اس کے بعد دونوں افراد نے چھینی گئی چیزیں واپس کر دیں اور 1000 روپے کا نوٹ دے کر کسی کو اس بارے میں نہ بتانے کی تاکید کر کے جنگل کی طرف بھاگ گئے۔
پولیس نے تعزیراتِ پاکستان کی دفعہ 376 کے تحت اس مقدمے کا اندراج کر لیا ہے۔
اسلام آباد پولیس نے خاتون سے پوچھ کچھ کے بعد واقعے میں ملوث مبنیہ ملزم کا خاکہ جاری کر دیا ہے۔
