راولپنڈی میں مری روڈ کے قریب رات کے وقت پیش آنے والے مبینہ ٹریفک حادثے کی ویڈیو سوشل میڈیا پر تیزی سے وائرل ہو رہی ہے، جس میں ایک سیاہ رنگ کی لگژری کار موٹر سائیکل کو سڑک پر گھسیٹتی ہوئی دکھائی دے رہی ہے۔
وائرل ویڈیو میں دیکھا جا سکتا ہے کہ کار کے آگے ایک موٹر سائیکل پھنسی ہوئی ہے، جسے گاڑی سڑک پر گھسیٹ رہی ہے جبکہ موٹر سائیکل سوار بھی کار کے اوپر موجود دکھائی دیتا ہے۔
ویڈیو کے حوالے سے سوشل میڈیا پر دعویٰ کیا جا رہا ہے کہ کار نے موٹر سائیکل سوار کو ٹکر ماری جس کے بعد موٹر سائیکل گاڑی کے نیچے پھنس گئی جبکہ موٹر سائیکل سوار مبینہ طور پر شدید چوٹ سے بچنے کے لیے گاڑی کی چھت پر جا پہنچا۔
Rawalpindi: A reckless driver allegedly hit a motorcyclist and dragged his motorcycle along the road. The rider narrowly escaped serious injury and somehow ended up on top of the car.#islamabad pic.twitter.com/6oA6MfB9jJ
— Mishal nauman (@haazarian4242) September 27, 2026
واقعے کی ویڈیو میں گاڑی کو سڑک پر چلتے ہوئے دیکھا جا سکتا ہے، تاہم حادثے کی اصل وجوہات، ڈرائیور کی شناخت اور موٹر سائیکل سوار کو پہنچنے والے ممکنہ نقصان سے متعلق تفصیلات تاحال سامنے نہیں آ سکیں۔
واقعے کی ویڈیو نے سوشل میڈیا صارفین میں تشویش پیدا کر دی ہے، جبکہ شہریوں کی جانب سے مطالبہ کیا جا رہا ہے کہ متعلقہ حکام ویڈیو کا نوٹس لے کر واقعے کی تحقیقات کریں اور حقائق سامنے لائے جائیں۔ ذرائع کے مطابق واقعے کی اطلاع کے بعد پولیس نے تحقیقات شروع کردی ہیں جبکہ ٹریفک پولیس کا کہنا ہے کہ گاڑی کو ٹریس کرنے کی کوشش کی جارہی ہے۔
