خیبرپختونخوا کے علاقے باڑہ میں سکیورٹی فورسز نے عزمِ استحکام ویژن کے تحت انٹیلیجنس بیسڈ آپریشن کرتے ہوئے فتنہ الخوارج کے 5 دہشتگردوں کو ہلاک کردیا۔
سیکیورٹی ذرائع کے مطابق انٹیلیجنس معلومات کی بنیاد پر کی گئی کارروائی کے دوران فتنہ الخوارج کے دہشتگردوں کو مؤثر انداز میں نشانہ بنایا گیا، جبکہ ہلاک دہشتگردوں کے قبضے سے بھاری مقدار میں اسلحہ اور گولہ بارود بھی برآمد ہوا۔
مزید پڑھیں:ہنگو: سیکیورٹی فورسز نے بھارتی حمایت یافتہ 8 دہشتگرد ہلاک کردیے، 2 افسران سمیت 6 جوان شہید
سیکیورٹی ذرائع کا کہنا ہے کہ کارروائی کے نتیجے میں دہشتگردوں کے ٹھکانوں کو مکمل طور پر تباہ کردیا گیا۔ سیکیورٹی فورسز ملک سے دہشت گردی کے ناسور کے مکمل خاتمے اور پائیدار امن کے قیام کے لیے پُرعزم ہیں۔
دوسری جانب وزیراعظم محمد شہباز شریف نے خیبر پختونخوا اور بلوچستان میں دہشتگردوں کے خلاف کامیاب آپریشنز پر سکیورٹی فورسز کو خراج تحسین پیش کیا ہے۔
عزم استحکام ویژن کے تحت سیکیورٹی فورسزکی خیبرپختونخوا میں دہشتگردوں کیخلاف مؤثرکارروائیاں جاری
خیبرپختونخوا کےعلاقے باڑہ میں کامیاب انٹیلی جنس بیسڈ آپریشن،فتنہ الخوارج کے5 دہشتگرد جہنم واصل، سیکیورٹی ذرائع @AmirSaeedAbbasi @awaisReporter pic.twitter.com/E18zAxa5rz— Media Talk (@mediatalk922) September 29, 2026
وزیراعظم نے کہا کہ سکیورٹی فورسز نے اپنی پیشہ ورانہ صلاحیتوں، جرات اور بہادری کا مظاہرہ کرتے ہوئے دہشتگردوں کے مذموم عزائم ناکام بنائے۔ پوری قوم دہشتگردی کے خلاف جنگ میں اپنی بہادر سکیورٹی فورسز کے شانہ بشانہ کھڑی ہے۔
محمد شہباز شریف نے کہا کہ ملک سے دہشتگردی کے مکمل خاتمے تک کارروائیاں جاری رہیں گی اور پاکستان کے امن و استحکام کو نقصان پہنچانے والے عناصر کو ان کے مذموم عزائم میں کامیاب نہیں ہونے دیا جائے گا۔
مزید پڑھیں:باجوڑ: سیکیورٹی فورسز نے بھارتی حمایت یافتہ 5 دہشتگرد ہلاک کردیے، فائرنگ کے تبادلے میں میجر شہید
وزیراعظم نے کامیاب آپریشنز میں حصہ لینے والے سیکیورٹی فورسز کے افسران اور جوانوں کو سلام پیش کرتے ہوئے کہا کہ پوری قوم کو اپنے بہادر سپوتوں پر فخر ہے۔
