وزیراعلیٰ پنجاب مریم نواز شریف سے اسپین کے سفیر کارلوس ارگون گل ڈی لا سرنا نے ملاقات کی، جس میں دونوں ممالک کے درمیان تجارتی، کاروباری، ثقافتی اور کھیلوں کے شعبوں میں تعاون بڑھانے کے امکانات پر تبادلہ خیال کیا گیا۔
ملاقات کے دوران وزیراعلیٰ مریم نواز شریف نے اسپین کے سفیر کارلوس ارگون گل ڈی لا سرنا کی سفارتی خدمات کو سراہا، جبکہ سپین کے سفیر نے وزیراعلیٰ پنجاب کا شکریہ ادا کیا۔
“وزیراعلیٰ مریم نواز سے سپین کے سفیر کارلوس ارگون گل ڈی لا سرنا کی ملاقات”
🔹مریم نواز شریف نے سپین کے سفیرکارلوس ارگون گل ڈی لا سرنا کی سفارتی خدمات کو سراہا
🔹سپین کے سفیر کارلوس ارگون گل ڈی لا سرنا نے وزیراعلیٰ پنجاب مریم نواز شریف کا شکریہ ادا کیا
🔹سپین سے تجارتی،… pic.twitter.com/YDpVR7Alib
— PMLN (@pmln_org) October 3, 2026
دونوں جانب سے اسپین اور پنجاب کے درمیان تجارتی و کاروباری روابط کے فروغ کے لیے پنجاب سپین بزنس کونسل کے قیام کی تجویز پر غور کیا گیا۔
ملاقات میں لاہور اور بارسلونا کو سسٹر سٹی قرار دینے کے امکانات کا بھی جائزہ لیا گیا۔
اس موقع پر اسپین کی معروف فٹ بال لیگ لا لیگا کے تعاون سے لاہور میں کوچز اور فٹ بالرز کے لیے پائلٹ فٹ بال اکیڈمی کے قیام کی تجویز پر بھی تبادلہ خیال کیا گیا۔
وزیراعلیٰ مریم نواز نے فلسطین کو تسلیم کرنے کے اسپین کے اقدام کو خراج تحسین پیش کیا۔
مریم نواز شریف نے اسپین کے سفیر اور کاروباری وفود کو سیالکوٹ اور لاہور کے دورے کی دعوت دیتے ہوئے کہاکہ اسپین سے آنے والے تجارتی اور ثقافتی وفود کو پنجاب میں خوش آمدید کہیں گے۔
