پاکستان میں رواں مالی سال کے پہلے 11 ماہ کاروں کی درآمدات میں 54 فیصد کمی ریکارڈ کی گئی ہے۔
پاکستان بیورو برائے شماریات کی جانب سے جاری اعداد و شمار میں کہا گیا ہے کہ رواں مالی سال کے پہلے 11 ماہ میں کاروں کی درآمدات میں سالانہ بنیادوں پر54 فیصدکی کمی ریکارڈکی گئی ہے۔
اعدادوشمارکے مطابق جولائی سے مئی 2023 تک کی مدت میں کاروں کی درآمدات پر712 ملین ڈالر کا زرمبادلہ صرف ہوا جوگزشتہ مالی سال کی اسی مدت کے مقابلہ میں 54 فیصدکم ہے۔
گزشتہ مالی سال کی اسی مدت میں کاروں کی درآمدات پر1.558 ملین ڈالر کا زرمبادلہ صرف ہواتھا، مئی 2023 میں کاروں کی درآمدات کاحجم 31 ملین ڈالر ریکارڈ کیا گیا جوگزشتہ سال مئی کے مقابلہ میں 80 فیصدکم ہے۔
گزشتہ سال مئی میں کاروں کی درآمدات پر156 ملین ڈالر کا زرمبادلہ صرف ہواتھا، اپریل کے مقابلہ میں مئی میں کاروں کی درآمدات میں ماہانہ بنیادوں پر30 فیصد کی گراؤٹ ریکارڈ کی گئی ہے۔
