انگلینڈ کرکٹ ٹیم کے کپتان ہیری بروک نے کہا ہے کہ ڈبل سینچری بنانے کے باوجود میچ نہ جیتنے کی خوشی نہیں، میرے لیے اس انفرادی کارکردگی کی کوئی اہمیت نہیں کیونکہ ٹیم کو شکست کا سامنا کرنا پڑا۔
جمعرات کو راولپنڈی میں سہ ملکی ون ڈے سیریز کے تیسرے میچ میں سری لنکا نے 430 رنز کا ہدف 8 وکٹوں کے نقصان پر آخری اوور کی پانچویں گیند پر حاصل کرکے انگلینڈ کو سنسنی خیز مقابلے کے بعد شکست دے دی۔ یہ ون ڈے کرکٹ کی تاریخ میں کامیابی سے حاصل کیا جانے والا دوسرا بڑا ہدف ہے۔
مزید پڑھیں:سہ ملکی ون ڈے سیریز، انگلینڈ کی ٹیم 429 رنز کا دفاع نہ کرسکی، سری لنکا کی 2 وکٹوں سے کامیابی
انگلینڈ نے پہلے بیٹنگ کرتے ہوئے مقررہ 50 اوورز میں 4 وکٹوں کے نقصان پر 429 رنز بنائے۔ کپتان ہیری بروک نے 114 گیندوں پر 202 رنز کی جارحانہ اننگز کھیلی، جس میں 21 چوکے اور 10 چھکے شامل تھے۔ وہ ون ڈے کرکٹ میں تیز ترین ڈبل سینچری بنانے والے بلے باز بن گئے۔ ول جیکس 30 گیندوں پر 66 رنز بنا کر ناٹ آؤٹ رہے، جب کہ جو روٹ نے 69 اور ٹام بینٹن نے 50 رنز بنائے۔
میچ کے بعد پریس کانفرنس میں ہیری بروک نے کہا کہ وہ ہمیشہ میچ جتوانے والی اننگز کھیلنے پر یقین رکھتے ہیں۔ ان کے بقول، ڈبل سینچری بنانے کے باوجود میچ نہ جیتنے پر خوشی نہیں ہوئی۔ انہوں نے سری لنکن ٹیم کی تعریف کرتے ہوئے کہا کہ حریف کھلاڑیوں نے شاندار کرکٹ کھیلی، باؤنڈریز بھی لگائیں اور سنگلز لے کر اسکور بورڈ کو متحرک رکھا۔
Just take a moment to read these stats…
Highest ODI score for England ✅
First ODI double-century for England ✅
Fastest double-century in ODI cricket ✅
Second hundred off just 39 balls ✅
The highest ODI score at Rawalpindi ✅
First English player to score an ODI century in Rawalpindi ✅— England Cricket (@englandcricket) October 22, 2026
انگلش کپتان نے راولپنڈی کرکٹ اسٹیڈیم کی پچ کو بہترین قرار دیتے ہوئے کہا کہ یہاں قریباً 900 رنز بنے۔ انہوں نے اسٹیڈیم میں انگلینڈ کے شائقین کی موجودگی کا بھی ذکر کیا۔
دوسری جانب 430 رنز کے ہدف کے تعاقب میں سری لنکا کا آغاز اچھا نہیں تھا اور ٹیم نے صرف 24 رنز پر ابتدائی 2 وکٹیں گنوا دیں۔ تاہم پون رتنائیکے اور اویشکا فرنینڈو نے تیسری وکٹ کے لیے 166 رنز کی شراکت قائم کرکے میچ کا نقشہ بدل دیا۔ فرنینڈو 83 گیندوں پر 97 رنز بنا کر آؤٹ ہوئے، جب کہ رتنائیکے نے 106 گیندوں پر 130 رنز کی شاندار اننگز کھیلی، جس میں 15 چوکے اور 3 چھکے شامل تھے۔
رتنائیکے کے آؤٹ ہونے کے بعد داسن شناکا نے جارحانہ بیٹنگ جاری رکھی اور صرف 50 گیندوں پر 97 رنز بنا کر ٹیم کو ہدف کے قریب پہنچا دیا۔ ان کی اننگز میں 6 چوکے اور 8 چھکے شامل تھے۔ شناکا کے آؤٹ ہونے کے بعد جنتھ لیاناگے نے ذمہ داری سنبھالی اور 27 گیندوں پر ناقابل شکست 61 رنز بنا کر آخری اوور میں چھکا لگا کر سری لنکا کو فتح دلا دی۔
🚨WORLD RECORD BY HARRY BROOK 🚨
Fastest Double Century in ODI History!
114b – 𝗛𝗮𝗿𝗿𝘆 𝗕𝗿𝗼𝗼𝗸 𝘃𝘀 𝗦𝗟
117b – Shubman Gill vs WI
126b – Ishan Kishan vs BAN
128b – Glenn Maxwell vs AFG….seemore https://t.co/O9XVyjmPBs— 𝗩𝗞 𝟭𝟴 (@gurlabhsingh610) October 22, 2026
مزید پڑھیں:سہ فریقی ایک روزہ سیریز: سری لنکا کی انگلینڈ کے خلاف شاندار فتح، کونسے ریکارڈ ٹوٹے؟
انگلینڈ کی جانب سے جوش ٹنگ نے 79 رنز دے کر 3 وکٹیں حاصل کیں، جب کہ سیم کرن نے 2 کھلاڑیوں کو آؤٹ کیا۔
اس مقابلے میں انگلینڈ کا 429 رنز کا مجموعہ بھی ایک ریکارڈ ثابت ہوا۔ پاکستان میں کسی ٹیم کا ون ڈے کرکٹ میں یہ سب سے بڑا اسکور ہے۔ اس سے قبل پاکستان نے 2015 میں زمبابوے کے خلاف 3 وکٹوں کے نقصان پر 375 رنز بنائے تھے۔ راولپنڈی کرکٹ اسٹیڈیم میں بھی پہلی مرتبہ ون ڈے میچ میں 400 رنز کا ہندسہ عبور ہوا۔
Harry Brook, Pavan Rathnayake and Kusal Mendis make entries on the Rawalpindi Cricket Stadium Honours Board after a high-scoring thriller ✍️🏏
#SLvENG | #CricketKaJashan https://t.co/9QL80PAODl
— Pakistan Cricket (@TheRealPCB) October 22, 2026
یوں ہیری بروک کی ریکارڈ ساز ڈبل سینچری بھی انگلینڈ کو شکست سے نہ بچا سکی اور سری لنکا نے غیر معمولی تعاقب کرتے ہوئے یادگار فتح اپنے نام کرلی۔
