خیبر پختونخوا کے ضلع لوئر کوہستان میں ایک گاڑی گہری کھائی میں گر گئی جس سے 6افراد جاں بحق جبکہ 4 زخمی ہو گئے۔
ریسکیو 1122 کے مطابق بدقسمت گاڑی بشام سے کولئ پالس جا رہی تھی کہ راستے میں ڈرائیور سے بے قابو ہو کر گہری کھائی میں گر گئی جس سے 6 افراد جاں بحق اور 4 زخمی ہو گئے۔
حادثے کے بعد ریسکیو ٹیموں نے موقع پر پہنچ کر امدادی سرگرمیاں شروع کر دیں، زخمیوں اور لاشوں کو نکال کر تحصیل ہیڈ کوراٹر اسپتال پٹن منتقل کر دیا۔
حادثے میں جاں بحق ہونے والے افراد کی لاشیں لواحقین کے حوالے کر دی گئی ہیں۔ جاں بحق ہونے والوں میں ایک بچی اور خاتون بھی شامل ہیں جبکہ زخمیوں میں 3بچے شامل ہیں۔
جاں بحق ہونے والوں کی شناخت نور، فضل محمد سکنہ قلاع، جمشید سکنہ میدان، مولانا ادریس سکنہ پروداٹ سے ہوئی ہے۔
