40 سال کی جدائی ختم ہونے کی امید، سیف سٹی نے بنگلہ دیشی خاتون کے اہل خانہ کو ڈھونڈ لیا

جمعرات 5 نومبر 2026
icon-facebook icon-twitter icon-whatsapp

سیف سٹی کے منصوبے ’میرا پیارا‘ نے سرحدوں کے پار بچھڑے افراد کو ان کے اپنوں سے ملانے کی کوششوں میں ایک اور بڑی کامیابی حاصل کرتے ہوئے 40 سال سے اپنے خاندان سے بچھڑی بنگلہ دیشی خاتون حلیمہ کے اہلِ خانہ کو تلاش کر لیا ہے۔

بنگلہ دیش سے تعلق رکھنے والی حلیمہ 2013 میں اسلام آباد میں لاوارث حالت میں ملی تھیں۔ اردو زبان سے ناواقف ہونے کے باعث وہ اپنی شناخت اور اہلِ خانہ سے متعلق معلومات فراہم کرنے سے قاصر تھیں، جس کے بعد انہیں عارضی پناہ کے لیے ایدھی سینٹر منتقل کردیا گیا تھا، جہاں وہ کئی سال سے مقیم تھیں۔

سیف سٹی کی ’میرا پیارا‘ ٹیم نے حلیمہ کی جانب سے فراہم کردہ محدود معلومات کی بنیاد پر ان کے اہلِ خانہ کی تلاش شروع کی۔ اس سلسلے میں ٹیم نے سوشل میڈیا اور مقامی انتظامیہ سے رابطوں کے ذریعے تلاش کا عمل جاری رکھا۔

مسلسل کوششوں کے نتیجے میں سیف سٹی ’میرا پیارا‘ ٹیم بنگلہ دیش میں حلیمہ کے بیٹے اور بھتیجے کو تلاش کرنے میں کامیاب ہوگئی۔ حلیمہ کی جانب سے بتائے گئے آبائی گاؤں اور اہلِ خانہ کے ناموں کی مدد سے ان کے خاندان تک رسائی ممکن ہوئی۔

سیف سٹی ٹیم نے مقامی حکام اور اہلِ خانہ سے رابطہ کرکے حلیمہ سے متعلق معلومات کی تصدیق بھی کی۔

واضح رہے کہ اس سے قبل بھی سیف سٹی کی ’میرا پیارا‘ ٹیم نے 40 سال سے اپنے خاندان سے بچھڑی بنگلہ دیشی خاتون کوہ نور کے اہلِ خانہ کو تلاش کیا تھا۔

ترجمان سیف سٹیز کے مطابق ’میرا پیارا‘ ٹیم سرحدوں سے بالاتر ہو کر بچھڑے افراد کو ان کے پیاروں سے ملانے کے لیے سرگرم ہے۔ حلیمہ کے اہلِ خانہ کی تلاش سیف سٹی کی انسانی خدمت کے شعبے میں ایک اور اہم کامیابی ہے۔

ترجمان نے شہریوں سے اپیل کی ہے کہ وہ کسی بھی گمشدہ یا لاوارث شخص کی اطلاع دینے کے لیے ایمرجنسی ہیلپ لائن 15 پر کال کرکے 3 دبائیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

13 نومبر کو دنیا ختم ہونے کی پیشگوئی ناکام، سنہ 1960 کے سائنس دانوں کا حساب کہاں غلط ہوا؟

پیٹرول اور ڈیزل مزید سستے، حکومت نے مسلسل 10ویں بار قیمتیں کم کر دیں

فرانس میں طلبا احتجاج بے قابو، حکومت نے آتش بازی اور پٹاخوں پر ملک گیر پابندی لگا دی

فریال تالپور کا بلاول بھٹو کو شادی کرلینے کا مشورہ، ’چاہیں تو ہماری ورنہ اپنی پسند کی ہی کرلیں‘

سلمان اکرم راجا کی بات کو اہمیت نہیں دیتا، انہیں اخلاقی جرات ہے تو عہدے سے استعفیٰ دیں، لطیف کھوسہ

ویڈیو

دیہات کا نمبرداری نظام اختیارات ملنے پر پاکستان کا رخ بدل سکتا ہے

اقتصادی تعاون تنظیم کے وزرائے خارجہ کے اجلاس کا آغاز، رکن ممالک کے اہم وفود کی اسلام آباد آمد

لودھراں: دریائے ستلج پل سے محروم، جدید دور میں بھی شہری جان پر کھیل کر کشتیوں کے ذریعے سفر پر مجبور

کالم / تجزیہ

بھارتی ٹیم جیت گئی، بھارتی سوچ ہار گئی

ڈیل ہو جائے گی؟

یمن کے حوثی اب مسلم امہ کے لیے ناسور بن چکے ہیں