اجلا سفید لباس زیب تن کیے اور کلاہ پہنے پاکستانی کرکٹر شاداب خان نے اپنی بارات کے موقعہ پر لی گئیں تصاویر سوشل میڈیا پر شیئرکردیں۔
پچھلے ماہ پاکستان کے مایہ ناز آف اسپنر ثقلین مشتاق کی صاحبزادی سے نکاح کے بعد آل راؤنڈر شاداب خان آج بارات لے کر پہنچے اسلام آباد جہاں ان کا استقبال انکے سسر نے معانقہ کرتے ہوئے کیا۔
شاداب خان کی شادی کی تقریب میں شرکا کو تصویر کھینچنے سے منع بھی کیا گیا ہے۔ تاہم اسلام آباد یونائیٹید کے کپتان نے ٹوئٹر پر صرف اپنی کچھ تصاویر پوسٹ کرتے ہوئے اپنے مداحوں کا شکریہ ادا کیا ہے۔
Alhamdulilah. Today is a blessed day for me and my family. My baraat. I hope I can be a good husband to my wonderful wife. A huge thank you to everyone for respecting my family’s privacy.
Wardrobe: Humayun Alamgir,
Styling: Tony & Guy,
Photography: da artist pic.twitter.com/PDe3LKwqPl— Shadab Khan (@76Shadabkhan) February 9, 2023
شاداب لکھتے ہیں؛ الحمدللہ! آج کا دن میرے اور میرے خاندان کے لیے ایک مبارک دن ہے۔ میری بارات! مجھے امید ہے کہ میں اپنی بیوی کے لیے ایک اچھا شوہر بن سکتا ہوں۔
اپنے خاندان کی رازداری کا شکریہ ادا کرتے ہوئے شاداب نے اپنے لباس اور اسٹائل کے بھی کریڈٹ دیئے ہیں۔
