مسلم لیگ ن خیبر پختونخوا نے پی ٹی آئی رہنماؤں کے خلاف نیب کیسز دوبارہ کھلوانے کا عندیہ دیا ہے ۔
نمائندہ وی نیوز احتشام خان کے مطابق ترجمان ن لیگ خیبر پختونخوا اختیار ولی خان نے کہا ہے نیب کو مالم جبہ اراضی سکینڈل دوبارہ کھولنے کیلئے خط لکھیں گے ۔
اختیارولی کا کہنا تھا بی آر ٹی کرپشن کیس میں تحریک انصاف کے حکم امتناع کیخلاف عدالت میں پیروی کریں گے۔
انہوں نے مزید کہا بلین ٹری سونامی میں ہوئی کرپشن بارے نیب میں درخواست دائر کریں گے۔ صوبائی احتساب کمیشن کی بندش اور جنرل (ر) حامد خان کی سفارشات قوم کے سامنے لائیں گے ۔
