کوئی انسٹاگرام پر چند گھنٹوں میں تقریباً 10 ہزار فولورز کیسے حاصل کرسکتا ہے؟ اس بات کا جواب سویڈن کی 27 سالہ گول کیپر زیچیرا موسووک ہے۔
زیچیرا موسووک ویمینز فٹبال ورلڈ کپ 2023 میں دفاعی چیمپیئن امریکا کے خلاف میچ میں 3 پنالٹی شوٹ آؤٹس بچاکر اپنی ٹیم کو ٹورنامنٹ کے کوارٹر فائنل میں پہنچایا۔
اتوار کو پری کوارٹر فائنل راؤنڈ میں امریکا کے خلاف سویڈن کی ڈرامائی پنالٹی شوٹ آؤٹ فتح کے بعد سویڈن بھر میں ہزاروں افراد نے سوشل میڈیا پر زیچیرا موسووک کو خوب سراہا۔ اس طرح ایک ہی شام میں انسٹاگرام پر ان کے فالوورز میں 10 ہزار کا اضافہ ہوگیا۔
سویڈش گول کیپر مذکورہ میچ کے بعد ایک قومی ہیرو کے طور پر سامنے آئیں اور مشہور شخصیات بشمول ان کے پسندیدہ فنکاروں نے بھی انہیں آن لائن مبارکباد دی۔
زیچیرا موسووک نے جس شاندار انداز سے مضبوط امریکی کھلاڑیوں کے 3 پنالٹی شوٹ اؤٹس پر گول ہونے سے اپنی ٹیم کو بچایا اس نے فٹبال شائقین کے دل جیت لیے۔
Don’t know what to say pic.twitter.com/k7GCXTmpvn
— Zećira Mušović (@ZeciraMusovic) August 6, 2023
سوئڈش گول کیپر نے پہلے ہاف میں گیند کو کراس بار پر ٹپ کیا اور دوسرے ہاف میں لنڈسے ہوران اور الیکس مورگن کے پنالٹی شوٹ آؤٹس کو کسی ماہر جمناسٹ کی طرح قلابازی کھاتے ہوئے روک کر اپنی ٹیم کو گول سے بچایا۔
زیچیرا موسووک نے مجموعی طور پر 11 سیو کیے اور میچ اضافی وقت کے بعد بغیر کسی گول کے ختم ہوا جس کے بعد سویڈن نے پنالٹیز پر 5-4 سے کامیابی حاصل کی۔ اس طرح ویمینز فٹبال ورلڈ کپ مقابلوں میں 2 مرتبہ فاتح رہنے والی امریکی ٹیم ٹورنامنٹ سے بھی باہر ہوگئی۔
آسٹریلیا اور نیوزی لینڈ کی میزبانی میں جاری ٹورنامنٹ کے کوارٹرفائنل میچز 11 اور 12 اگست کو ہوں گے۔
They said I couldn’t. They said I shouldn’t. But still, I did it. I followed my dream.@NextgenDreamers pic.twitter.com/qs3maTypKn
— Zećira Mušović (@ZeciraMusovic) June 4, 2023
سویڈن کا کوارٹر فائنل میں 11 اگست کو جاپان سے مقابلہ ہوگا اور ہالینڈ کی ٹیم اسپین سے نبردآزما ہوگی۔ 12 اگست کو انگلینڈ کا مقابلہ کولمبیا سے ہوگا جب کہ آسٹریلیا فرینچ حریفوں کے مدمقابل ہوگی۔ ٹونامنٹ کی ہاٹ فیورٹ انگلینڈ کی ٹیم بتائی جا رہی ہے۔