ابھی نگران حکومت کو آئے محض 2 ہی دن گزرے ہیں اور اس نے آتے ہی پیٹرولیم مصنوعات کی قیمتوں میں 20 روپے تک کے اضافے کا اعلان کردیا ہے۔
وزارتِ خزانہ کی جانب سے جاری کردہ پریس ریلیز میں بتایا گیا ہے کہ پیٹرول کی فی لیٹر قیمت میں 17 روپے 50 پیسے کا اضافہ کیا گیا ہے جبکہ ہائی اسپیڈ ڈیزل کی قیمت میں 20 روپے لیٹر اضافہ کیا گیا ہے۔
— Ministry of Finance, Government of Pakistan (@Financegovpk) August 15, 2023
پیٹرول ساڑھے 17 روپے لیٹر مہنگا ہونے کے بعد فی لیٹر نئی قیمت 290 روپے 45 پیسے ہو گئی ہے جبکہ ہائی سپیڈ ڈیزل کی نئی قیمت 293 روپے 40 پیسے ہو گی۔
وزارت خزانہ کی جانب سے قیمتوں میں اضافے کا نوٹیفکیشن جاری کر دیا گیا ہے، فیصلہ فوری نافذ العمل ہوگا۔
مزید پڑھیں
واضح رہے کہ 15 دنوں میں ہی یہ قیمتوں میں دوسرا بڑا اضافہ ہے کیونکہ یکم اگست کو ہی پی ڈی ایم حکومت نے پیٹرولیم مصنوعات کی قیمتوں میں بڑے اضافے کا اعلان کیا تھا۔ پیٹرول کی قیمت میں 19 روپے 95 پیسے فی لیٹر جبکہ ہائی اسپیڈ ڈیزل کی قیمت میں 19 روپے 90 پیسے کا اضافہ کیا گیا تھا جس جس کے بعد پیٹرول کی قیمت 272 روپے 95 پیسے اور ہائی اسپیڈ ڈیزل کی قیمت 273 روپے 40 پیسے تک پہنچ گئی تھی۔
اس وقت کے وزیر خزانہ اسحاق ڈار نے قیمتوں میں اضافے کی وجہ آئی ایم ایف معاہدہ اور عالمی منڈی میں قیمتوں کے اضافہ بتایا تھا۔ ان کا کہنا تھا کہ گزشتہ 15 دنوں کے دوران عالمی منڈی میں پیٹرول کی قیمتوں میں ہوشربا اضافہ ہوا ہے۔
