پاکستان کی انٹربینک مارکیٹ میں روپے کے مقابلے میں امریکی ڈالر کی قدر میں مسلسل اضافہ دیکھنے میں آ رہا ہے۔
امریکی ڈالر پاکستانی روپے کے مقابلے میں انٹربینک میں ایک روپے 88 پیسے مہنگا ہوگیا ہے۔
حالیہ تبدیلی کے بعد انٹربینک میں ڈالر 299 روپے 01 پیسے کا ہو گیا جبکہ گزشتہ روز ڈالر کی قدر 297 روپے 13 پیسے رہی تھی۔
اسٹیٹ بینک آف پاکستان کی کرنسی ایکسچینج رپورٹ کے مطابق سعودی ریال 79.71 روپے، اماراتی درہم 80.40 روپے، قطری ریال 82.03 روپے، کویتی دینار970.86 روپے اور بحرینی دینار 793.13 روپے کا رہا۔
انٹربینک میں آسٹریلین ڈالر کی قدر 192 روپے 45 پیسے، کینیڈین ڈالر 220 روپے 89 پیسے اور برطانوی پاؤنڈ 382 روپے 34 پیسے ریکارڈ کی گئی۔
