پاکستان کی انٹربینک مارکیٹ میں روپے کے مقابلے میں امریکی ڈالر کی قدر میں مسلسل اضافہ دیکھنے میں آ رہا ہے۔
پاکستان کی انٹربینک مارکیٹ میں پہلی مرتبہ امریکی ڈالر 300 روپے کی حد عبور کر گیا۔
بدھ کو کاروباری عمل کی ابتدا میں ہی مہنگائی کا رجحان برقرار رکھے ہوئے ڈالر کی قیمت میں اضافے کا سلسلہ جاری رہا۔ دوپہر تک ڈالر کی شرح تبادلہ 300 روپے سے زائد ہو گئی تھی۔
دوسری جانب اوپن مارکیٹ میں امریکی ڈالر کی قیمت خرید 315 روپے ہو گئی۔
کاروباری دن کے اختتام پر ڈالر کی قدر 299.64 رہی، جبکہ گزشتہ روز ڈالر کی قیمت 299.01 تھی۔
اسٹیٹ بینک آف پاکستان کی کرنسی ایکسچینج رپورٹ کے مطابق سعودی ریال 79.87 روپے، اماراتی درہم 81.57 روپے، قطری ریال 82.20 روپے، کویتی دینار971.73 روپے اور بحرینی دینار 794.75 روپے کا رہا۔
انٹربینک میں آسٹریلین ڈالر کی قدر 192 روپے 66 پیسے، کینیڈین ڈالر 221 روپے 13 پیسے اور برطانوی پاؤنڈ 380 روپے 02 پیسے ریکارڈ کی گئی۔
