پاکستانی باکسر تیمور خان نے ورلڈ باکسنگ کونسل ایشیا ٹائٹل کا کامیاب دفاع کرتے ہوئے ایک بار پھر ٹائٹل اپنے نام کر لیا، دبئی میں کھیلے گئے ایونٹ میں مہمند قبیلے سے تعلق رکھنے والے تیمور خان نے بھارتی باکسر کو شکست دے کر ٹائٹل کا کامیاب دفاع کیا۔
پاکستانی باکسر تیمور خان نے جارحانہ انداز اپناتے ہوئے بھارت کے ناقابل شکست ہیوی ویٹ باکسر جسكران سنگھ کو پہلے راؤنڈ میں ہی ناک آؤٹ کیا۔ جسکران سنگھ 30 سیکنڈ کے اندر ہی ناک آؤٹ ہوگئے۔
مزید پڑھیں
ورلڈ باکسنگ ایسوسی ایشن کے تحت ہونے والی چیمپئن شپ میں پاکستانی باکسر تیمور خان اب تک 10 مقابلوں میں نا قابلِ شکست ہیوی ویٹ باکسر ہیں۔
پاکستانی باکسر تیمور خان نے بھارتی حریف کو چاروں شانے چت کرتے ہوئے ڈبلیو بی اے ایشین ٹائٹل کا کامیاب دفاع کیا۔
واضح رہے کہ تیمور خان نے اس سال کے شروع میں بنکاک میں ہونے والے مقابلے میں تھائی لینڈ کے فائٹرایکا فوب اورائیوان کو شکست دے کر ایشین باکسنگ فیڈریشن ہیوی ویٹ چیمپئن شپ کا ٹائٹل برقرار رکھا تھا۔
