راولپنڈی کے علاقے ٹی چوک میں خوفناک ٹریفک حادثے میں 5 افراد جاں بحق، 6 زخمی ہو گئے۔
ریسکیو حکام کے مطابق جی ٹی روڈ پر ٹی چوک میں پرانے ٹول پلازہ کے ہائی ایس وین اور 22 ویلر ٹرالے کے درمیان تصادم سے 5 افراد جاں بحق ہو گئے جبکہ حادثے میں 4 خاتون سمیت 6 افراد زخمی بھی ہوئے ہیں، حادثہ تیز رفتاری کے باعث پیش آیا۔
حادثے کا شکار ہونے والی ہائی ایس وین راولپنڈی سے روات جا رہی تھی کہ تیز رفتاری کے باعث ٹی چوک پر 22 ویلر ٹرالے سے ٹکرا گئی۔
ریسکیو حکام نے بتایا کہ جاں بحق افراد کی میتیں اور زخمی افراد کو اسپتال منتقل کردیا گیا ہیں۔
یہ بھی پڑھیں : اسلام آباد ٹریفک حادثہ: ن لیگی رہنما طارق فضل چوہدری کا بیٹا جاں بحق
حادثے میں جاں بحق اور زخمی افراد کی شناخت کا عمل مکمل ہو گیا ہے ، جاں بحق ہونے والوں میں مہرین، محمد دانش، میاں ادریس،حاجی شفیق اورحاجی نذیر جبکہ زخمی ہونے والوں میں ریحانہ، ایشور، ارحم، ہماعمران، کنیزاورارسم شامل ہیں۔
ریسکیو حکام کا کہنا ہے کہ جاں بحق ہونے والوں کی عمریں 28 سے 65 سال کے درمیان ہیں، مسافر وین میں سوارافراد عمرہ ادائیگی کے بعد گوجرانوالہ جا رہے تھے کہ مسافر وین تیز رفتاری کے باعث روات ٹی چوک کے قریب کھڑے ٹریلر سے ٹکرائی۔
