9 مئی کے پرتشدد واقعات کی تحقیقات اور ان میں ملوث افراد کو سزائیں دینے کے لیے لاہور ہائیکورٹ میں دائر درخواست پر سماعت کسی کارروائی کے بغیر ملتوی کردی گئی ہے۔
درخواست گزار سید اظہرعباس کے وکیل عدالت میں پیش نہیں ہوئے جس پر جسٹس علی باقر نجفی نے سماعت غیر معینہ مدت تک ملتوی کردی۔
واضح رہے کہ درخواست گزار شہری سید اظہرعباس نے اپنی درخواست میں عدالت سے استدعا کی ہے کہ آئندہ عام انتخابات سے قبل سانحہ 9 مئی میں ملوث ملزمان کو سزا دی جائے۔
درخواست میں چیف سیکریٹری پنجاب اور سیکریٹری ڈیفنس سمیت دیگر کو فریق بنایا گیا ہے۔
