شمالی وزیرستان کے علاقے میر علی میں سیکیورٹی فورسز اور دہشتگردوں کے درمیان فائرنگ کے تبادلے میں پاک فوج کا جوان شہید ہو گیا ہے۔
پاک فوج کے شعبہ تعلقات عامہ (آئی ایس پی آر) کے مطابق پاک فوج نے دہشتگردوں کے ٹھکانے پر کارروائی کی اور اس دوران فائرنگ کا تبادلہ ہو گیا۔
مزید پڑھیں
پاک فوج کا جوان لانس نائیک جمشید خان دہشتگردوں کے ساتھ لڑتے ہوئے جام شہادت نوش کر گیا۔ جس کے بعد سیکیورٹی فورسز کی جانب سے علاقے میں سرچ آپریشن جاری ہے۔
آئی ایس پی آر نے کہا ہے کہ فورسز کے خلاف دہشتگردانہ کارروائیاں ہمارے عزم کو مضبوط کرتی ہیں۔
واضح رہے کہ کچھ عرصے سے صوبہ خیبرپختونخوا میں دہشتگردی کی لہر دوبارہ سے اٹھ رہی ہے جسے مد نظر رکھتے ہوئے سیکیورٹی فورسز کی جانب سے خفیہ آپریشنز کیے جا رہے ہیں، اب تک متعدد دہشتگردوں کو آپریشنز کے دوران ہلاک کیا جا چکا ہے۔
