شوگر ملز مالکان پنجاب کی نگراں حکومت کو 140 روپے فی کلو چینی فروخت کریں گے۔
یہ فیصلہ نگراں صوبائی حکومت اورشوگر ملز مالکان کے درمیان چینی کی قیمت پر مسلسل تین روز سے جاری مذاکرات کامیاب ہونے کے بعد کیا گیا۔
پنجاب حکومت اورشوگر ملز مالکان کے درمیان چینی کی قیمت پر مسلسل تین روز سے جاری مذاکرات کامیاب
نگران وزیر اعلی پنجاب @MohsinnaqviC42 سے شوگر ملز مالکان کے وفد کی ملاقات
شوگر ملز مالکان پنجاب حکومت کو 140روپے فی کلو چینی فروخت کریں گے#CaretakerCMPunjab #MohsinNaqviSpeed #sugar… pic.twitter.com/We3eC4Vtor
— Government of Punjab (@GovtofPunjabPK) September 10, 2023
اس حوالے سے شوگر ملز مالکان کے ایک وفد نے نگران وزیراعلی پنجاب محسن نقوی سے ملاقات کی جس میں کرشنگ سیزن28 اکتوبر سے شروع کرنے پر بھی اتفاق کیاگیا۔
اس موقع پر گفتگو کرتے ہوئے نگراں وزیراعلی پنجاب محس نقوی نے کہا کہ حکومت عوام کو ریلیف دینے کیلئے سینٹرز،ماڈل بازاروں اوراتوار بازاروں میں خصوصی سٹالز پر چینی فروخت کرے گی۔
مزید پڑھیں
انہوں نے کہا کہ حکومت کو عوام کی مشکلات کا پورا احساس ہے، چینی کی قیمتوں میں کمی کا فائدہ براہ راست صوبے کے عوام کو ہوگا۔
شوگر ملز مالکان نے نگراں وزیراعلی کو بتایا کہ پنجاب میں چینی کا وافر سٹاک موجود ہے۔
شوگر ملزمالکان کے وفد میں ہارون اختر،ذکا اشرف، فواد مختاراوردیگر شامل تھے۔ نگراں صوبائی وزیر صنعت ایس ایم تنویراورچیف سیکرٹری زاہد اختر زمان بھی اس موقع پر موجود تھے۔
