پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے کہا ہے کہ جمعے کے روز ہونے والے دہشت گردی کے واقعے کا کرکٹ سے کوئی تعلق نہیں ہے، لہذا پی ایس ایل اپنے طے شدہ شیڈول کے مطابق جاری رہے گی۔
میڈیا رپورٹس کے مطابق نجم سیٹھی کا کہنا ہے کہ ہم مقامی اور غیر ملکی سیکیورٹی ماہرین سمیت تمام اسٹیک ہولڈرز کے ساتھ کام کر رہے ہیں۔ تمام اسٹیک ہولڈرز کا بھی یہی کہنا ہے کہ ٹورنامنٹ کو جاری رکھا جائے۔
ان کا کہنا ہے کہ ایسے حالات چلتے رہتے ہیں، ہم پیچھے نہیں ہٹیں گے۔ پی ایس ایل کو پاکستان لانا اور برقرار رکھنا ایک چیلنج ہے۔
